Pul sarflamasdan sadaqa qilishning 12 yo‘li
1. Rasululloh sollallohu alayhi vasallam: "Yaxshi so‘z sadaqadir", dedilar (Imom Buxoriy rivoyati).
2. Rasululloh sollallohu alayhi vasallam: "Har bir yaxshilik sadaqadir", dedilar (Imom Buxoriy, Imom Muslim rivoyati).
3. Rasululloh sollallohu alayhi vasallam: "Yo‘ldan aziyat yetkazovchi narsalarni olib tashlash sadaqadir", dedilar (Imom Bayhaqiy rivoyati).
4. Rasululloh sollallohu alayhi vasallam: "Birodaring yuziga tabassum bilan qarashing sadaqadir", dedilar (Imom Termiziy rivoyati).
5. Rasululloh sollallohu alayhi vasallam: "Yaxshilikka buyurib, yomonlikdan qaytarish (Amru ma’ruf va nahiy a’nil munkar) sadaqadir", dedilar (Imom Termiziy rivoyati).
6. Rasululloh sollallohu alayhi vasallam: “Yo‘lidan adashganga yo‘l ko‘rsatish sadaqadir", dedilar (Imom Termiziy rivoyati).
7. Rasululloh sollallohu alayhi vasallam: "Chelagingdagi suvdan birodaringni chelagiga quyib berishing sadaqadir", dedilar (Imom Termiziy rivoyati).
8. Rasululloh sollallohu alayhi vasallam: "Ko‘zi ojiz kishiga yordam berishing sadaqa", dedilar (Imom Termiziy rivoyati).
9. Rasululloh sollallohu alayhi vasallam: "Ko‘ringanga salom berish sadaqadir", dedilar.
10. Rasululloh sollallohu alayhi vasallam: "Salomga alik olish sadaqadir", dedilar.
11. Rasululloh sollallohu alayhi vasallam: "Kim birodarining oldiga zimmasidagi haqni ado etish uchun yurib borsa, har bir qadamiga sadaqa yoziladi", dedilar.
12. Rasululloh sollallohu alayhi vasallam: "Alloh azza va jallani zikr qilish sadaqadir", dedilar.
Davron NURMUHAMMAD
Xonadonlarga mehr, ko‘ngillarga umid taratgan bayram
O‘zbekiston musulmonlari idorasi raisi Shayx Nuriddin Xoliqnazar tashabbuslari bilan O‘zbekiston Respublikasi Mustaqilligining 35 yilligi munosabati bilan Qoraqalpog‘iston musulmonlari qoziyati va qoziyotga qarashli barcha masjid imom-xatiblari tomonidan nuroniy keksalar, mehnat faxriylari hamda yordamga muhtoj oilalarning holidan xabar olindi. Tadbir doirasida muhtoj oilalarning turmushini yengillashtirish maqsadida bir oilaga zamonaviy quyosh paneli o‘rnatib berilib, qo‘shimcha bayram sovg‘alari topshirildi. Bunday xayriya tashabbuslari jamiyatda o‘zaro ahillik, mehr-oqibat va inson qadrini ulug‘lash muhitini yanada mustahkamlashga xizmat qiladi.
Qoraqalpog‘iston musulmonlari qoziyoti
