Sizning behuda ishlarga vaqtingiz yo‘q!
Bismillahir Rohmanir Rohiym
To‘lin oy nur sochar, yulduzlar charog‘on,
Bizni qanday o‘ldirolsin tashvishu g‘am?!
Turli xil ehtimoli bo‘lgan foydasiz tortishuv va bahslarga kirishishdan saqlaning. Chunki bu narsa ko‘ngil siqilishi va xayolning tarqoq bo‘lishiga olib boradi. Turli xil nazariy ko‘rinishlarni qabul qilishi mumkin bo‘lgan masalalarda hammani ishontirishga urinmang. Fikrlaringizni sokinlik bilan bayon qiling, shovqin-suron, bir fikrda mahkam turib olish va talvasaga tushishni butunlay tark eting.
Hammaga raddiya berib tanqid qilaverish qalbingiz rohatini yo‘qotadi va sizni o‘zingiz loyiq bo‘lmagan holga tushirib qo‘yadi. Muloyim va insonlarga suyukli so‘zlaringizni yumshoqlik hamda sokinlik bilan gapiring. Shunda insonlarning qalbini egallaysiz, ularning ruhlariga jon bag‘ishlaysiz.
Shuningdek, insonlarni g‘iybat qilish, ularni mazah qilib mulzam etish ularning qalbiga mahzunlik va g‘am soladi. Bu esa sizning ajr-savoblaringizni ketkazib, gunohlarni yelkangizga yuklaydi, xotirjamligingizni yo‘qotadi.
Insonlarning ayblarini qo‘yib, o‘zingizni ayblaringizni to‘g‘irlash bilan mashg‘ul bo‘ling. Chunki Alloh taolo bizlarni kamchiliksiz va begunoh qilib yaratmagan, hammamizning ham ayblarimiz va gunohlarimiz bor. O‘zining aybini to‘g‘rilash bilan band bo‘lgan, boshqalarning aybini qidirishdan tiyilgan insonga jannat bo‘lsin!
Shu’la: Farzandi yiqilib tushgan ayol baqir-chaqir qilib, yig‘lab vaqtini zoye qilmasligi, aksincha, uning jarohatini bog‘lashga intilishi lozim.
Doktor Oiz al-Qarniyning
"Dunyodagi eng baxtli ayol" kitobidan
“Associated Press of Pakistan” AA: I Xalqaro islom sivilizatsiyasi forumi ishtirokchilari O‘zbekiston Prezidentiga murojaat yo‘lladi
Pokistonning “Associated Press of Pakistan” axborot agentligida I Xalqaro islom sivilizatsiyasi forumi yakunlariga bag‘ishlangan maqola e’lon qilindi, deb xabar bermoqda “Dunyo” AA.
Maqolada shu yilning 7–11 iyul kunlari O‘zbekistonda Islom sivilizatsiyasi bo‘yicha birinchi xalqaro forum bo‘lib o‘tgani, anjuman yakunida forum ishtirokchilari Prezident Shavkat Mirziyoyev nomiga murojaat yo‘llagani ta’kidlangan.
Qayd etilganidek, murojaatda Prezident Shavkat Mirziyoyev tashabbusi va bevosita qo‘llab-quvvatlovi bilan tashkil etilgan ushbu forum nafaqat nufuzli ilmiy anjuman, balki insoniyatning umumiy ma’naviy va intellektual merosini asrashga qaratilgan global hamkorlikning yangi bosqichini boshlab bergan tarixiy voqea sifatida baholangan.
Murojaatda forumning Toshkent, Samarqand va Termiz kabi buyuk sivilizatsiya markazlarida o‘tkazilgani chuqur ramziy ahamiyatga ega ekani qayd etilib, aynan shu zaminda jahon ilm-fani taraqqiyotiga ulkan hissa qo‘shgan allomalar yetishib chiqqanligi alohida ta’kidlangan.
“Forum ishtirokchilari BMT Bosh Assambleyasining 72-sessiyasida Prezident Shavkat Mirziyoyev tomonidan ilgari surilgan O‘zbekistondagi Islom sivilizatsiyasi markazini tashkil etish tashabbusini so‘nggi o‘n yillikdagi eng muhim xalqaro gumanitar tashabbuslardan biri sifatida e’tirof etdi. Ular mazkur markaz kelgusida jahonning yetakchi olimlarini birlashtiruvchi yirik xalqaro ilmiy-ma’rifiy maskanga aylanishiga ishonch bildirdi”, — deya fikr yuritilgan materialda.
Maqolada yozilganidek, O‘zbekistonda tarixiy merosni asrash, fundamental ilm-fanni rivojlantirish va sivilizatsiyalar muloqotini mustahkamlash borasida amalga oshirilayotgan keng qamrovli islohotlar yuksak baholangan.
Xususan, O‘zbekistondagi Islom sivilizatsiyasi markazi, Imom Buxoriy yodgorlik majmuasi, Imom Buxoriy, Imom Moturidiy va Imom Termiziy xalqaro ilmiy-tadqiqot markazlari hamda Xalqaro islom akademiyasi faoliyati ushbu siyosatning yorqin namunasi sifatida qayd etilgan.
O‘zbekiston musulmonlari idorasi Matbuot xizmati
- «
- »