Imom Abu Hanifa rahimahulloh
#imom #Abu #Hanifa
Imom Abu Hanifa – No‘mon ibn Sobit Kufiy rahimahulloh (80-150)
1. Ismi- No‘mon ibn Sobit
2. Kunyasi- Abu Hanifa
3. Yashagan davri- Umaviy va Abbosiylar boshqaruvi davri.
4. Tashqi ko‘rinishi – so‘zamol, ochiq yuzli, hay’at va libosi kelishgan.
5. Axloq-odobi – Alloh taolo man etgan narsalardan saqlanishda o‘ta kuchli, taqvodor.
6. Darajasi – tobein, sahobalarning katta jamoasi bilan bir davrda yashagan.
7. Mashhur ustozlari – Anas ibn Molik, Ja’fari Sodiq va Hammod ibn Abu Sulaymon.
8. Mashhur shogirdlari – imom Abu Yusuf, imom Muhammad, imom Zufar.
9. Aqidasi – ahli sunna val jamoa
10. Dafn etilgan joyi – Bag‘doddagi A’zamiya maqbarasi.
12. Hadisdagi darajasi – imom, siqa.
13. Fiqhdagi darajasi – mujtahid.
14. Asarlari: "Fiqhul akbar", "Musnadi Abu Hanifa", "Maxoriju fil fiqh", "’alimu val muta’allim", "Raddu ’ala qadariya", "Qasidatu Nu’maniya fiy madhin Nabiyyi sollallohu alayhi vasallam" va "Kitabul vasiyati".
Manba
Turkiy davlatlar muftiylari 10 ga yaqin muhim bayonot va fatvolarni imzoladilar
Xabar berganimizdek, Ozarbayjon poytaxti Boku shahrida Turkiy davlatlar muftiylari kengashining navbatdagi VII yig‘ilishi bo‘lib o‘tdi.
Yig‘ilish yakunida O‘zbekiston, Turkiya, Ozarbayjon, Qozog‘iston va Qirg‘iziston muftiylari muhim yo‘nalishlarda 3 ta bayonot va zamonaviy masalalarga oid 6 ta yirik fatvoni imzolashdi.
Jumladan, «Islomning ilm-fan va texnologiyaga yondashuvi» mavzusidagi bayonotda Islom dinida insoniyat farovonligiga xizmat qiluvchi barcha ilmiy va texnologik yutuqlar qo‘llab-quvvatlanishi bilan birga, ular yuksak axloqiy mezonlar, adolat va mas’uliyat tamoyillari asosida rivojlanishi shartligi ta’kidlandi.
«Musulmonligi ma’lum bo‘lgan shaxsni kofirga chiqarishning hukmi» to‘g‘risidagi bayonotda Islom ta’limotiga ko‘ra, kalimai shahodat keltirib, qibla ahlidan bo‘lgan har qanday shaxs musulmon hisoblanishi hamda qilgan gunohi yoki amaldagi nuqsoni tufayli uni kufrda ayblash (takfir qilish) qat’iyan man etilishi aytildi. Shuningdek, Turkiy davlatlar ulamolari ushbu bayonotda jamiyatda fitna, qon to‘kilishi va nizolarga sabab bo‘luvchi takfirchilik oqimlariga qarshi ilmiy-ma’rifiy kurashni kuchaytirish, ummat birdamligini mustahkamlash zarurligiga e’tibor qaratishdi.
«Oila qurishga targ‘ib qilish, uni muhofaza qilish va mustahkamlashga doir umumiy mas’uliyat» bayonotida Islom ta’limotiga ko‘ra, oila nikoh asosiga quriladigan, sog‘lom avlod va jamiyat davomiyligini ta’minlovchi, insonga ruhiy xotirjamlik hamda axloqiy tarbiya beruvchi muqaddas muassasa ekaniga urg‘u qaratildi. Muftiylar oila institutini himoya qilish, yoshlarni oilaga tayyorlash va milliy-ma’naviy qadriyatlarni mustahkamlashda birdamlikka chaqirdilar.
Shuningdek, muftiylar tomonidan «Bitta qabrga birdan ortiq mayyitni dafn etishning hukmi», «Ijaraga berilgan dehqonchilik yerlarining ushri», «Fatvo so‘rash va fatvo berishda sun’iy idrokdan foydalanish masalasi», «Juma namozi durust bo‘lishining shartlari», hijriy oy boshlanishini aniqlash mezonlari va takfir masalasiga doir 6 ta fatvo matni imzolandi.
O‘zbekiston musulmonlari idorasi Matbuot xizmati
