Qashqadaryolik shifokorga Prezident sovg‘asi topshirildi
Prezidentimiz tashabbusi bilan joriy yilda 100 nafar yurtdoshlarimizga 2026-yilgi Haj safariga bepul yo‘llanmalar taqdim etilmoqda. Xususan, ular orasida muborak safar baxtiga muyassar bo‘lgan 3 nafar qashqadaryoliklar ham bor.
Jumladan, Ra’no Elmuradova ham endilikda Prezidentimizning ana shunday yuksak tashabbusi tufayli “Prezident hojisi” sifatida Haj amallarini ado etadigan bo‘ldi. U kishi ko‘p yillar davomida sog‘liqni saqlash sohasida mehnat qilib, insonlar dardiga darmon bo‘lishdek fidokorona, ham mashaqqatli ham sharafli kasbi ortidan bugun yuksak e’tirofga sazovor bo‘lganlar qatoridan joy oldi.
Shu munosabat bilan Haj yo‘llanmasini topshirish marosimida viloyat hokimi Murotjon Azimov, O‘zbekiston musulmonlari idorasining Qashqadaryo viloyatidagi vakili - viloyat bosh imom-xatibi va boshqa mas’ul rahbarlar ishtirok etdi.
Tadbirda “Prezident hojilari” tashabbusi, avvalo, Davlatimiz Rahbarining xalqimizga bo‘lgan mehr-e’tibori, nuroniylar va ko‘makka muhtoj insonlarni qo‘llab-quvvatlash borasidagi yuksak insoniy yondashuvining yorqin namunasi ekanligi alohida ta’kidlanib, yurtimiz tinchligi, xalqimiz farovonligi hamda vatanimiz ravnaqi uchun xayrli duolar qilindi.
Nasafziyo.uz
Fidokorona xizmat e’tirofsiz qolmaydi
O‘zbekiston musulmonlari idorasi tasarrufidagi "Ko‘kaldosh" o‘rta maxsus islom ta’lim muassasasida ko‘p yillar halol va fidokorona mehnat qilgan xodimamiz Ahmadjonova Nilufar Habibullayevnaning 50 yoshlik yubileyi munosabati bilan ta’lim muassasasi hamda kasaba uyushmasi tomonidan tadbir o‘tkazildi.
Tadbirda ta’lim muassasasi mudiri M. Erkayev, o‘quv ishlari bo‘yicha mudir o‘rinbosari N. Djalolov va manaviy-ma’rifiy ishlar bo‘yicha mudir o‘rinbosari, ta’lim muassasasi kasaba uyushmasi raisi A.G‘aniyev ishtirok etishdi. Muassasa mudiri M. Erkayev muhtarama opamizni shaxsan o‘zi tabriknoma bilan taqdirladi. Esdalik sovg‘alari bilan ham mukofotlandi.
Nilufar opa har kuni tong sahardan ilm dargohiga kelib, uning ozoda, shinam va pokiza bo‘lishiga yillarida sabr, ixlos va sadoqat bilan o‘z hissasini qo‘shib kelmoqda. Bunday kamtarin, ammo qadri baland mehnat barchamiz uchun ibrat namunasidir.
Payg‘ambarimiz sollallohu alayhi vasallam: "Pokizalik iymondandir", deb marhamat qilganlar. Ilm va marifat maskanining ta’minlash — talabalar ustozlarning tinch, toza va barakali ilm olishiga munosib hissa qo‘shadigan ezgu ishdir. Ana beminnat xizmat har qanday e’tirof va ehtiromga loyiqdir.
Bilim yurtimiz o‘z yordamga g‘amxo‘rlik qilishni muhim burch deb biladi. Zero, ilm dargohiga qilingan har bir xizmat — Allohning roziligi yo‘lidagi savobli amaldir. Kim ilm ahliga va ilm maskaniga xizmat qilsa, o‘sha ilmdan taralayotgan ezgulikning ajridan bahramand bo‘lishi umid qilamiz.
Muhtarama opamizga mustahkam sog‘lik-salomatlik, uzoq umr, oila baxti va ishlarida baraka tilaymiz. Alloh taolo halol mehnatlarini ajru mukofotsiz qoldirmasin, qilgan ezgu ishlari va mehnatlarining rohatini ko‘rish uzoq yillar davomida nasib etsin!
"Ko‘kaldosh" o‘rta maxsurs islom ta’lim muassasasi
matbuot xizmati
