Bugun qanday solih amal qildingiz?
“Erkagu ayol, kim mo‘min holida solih amal qilsa, Biz unga yaxshi hayot kechirtiramiz va, albatta, ularni qilib yurgan amallarining eng go‘zaliga beriladigan ajr ila mukofotlarmiz” (Nahl surasi, 97-oyat).
Qur’oni karimning 70 dan ortiq oyatida “solih amal” iborasi zikr etilgan.
Solih amal faqatgina namoz, ro‘za, haj yoki umra emas. Insonlarni yaxshilikka buyurish, yomonlikdan qaytarish, yo‘ldan zarar berishi mumkin bo‘lgan narsani chetga olib tashlash, hatto tabassum qilish ham yaxshi – solih amaldir. Ammo afsuski, bunday amallarga beparvo qaraymiz.
Shunday ekan, amal daftaringizni savobga to‘ldiradigan solih amallar katta yoki kichik bo‘lsin, ularni har kuni, har yerda qilishga intiling.
Davron NURMUHAMMAD
Oliy ma’hadning 1-kurs talabalari O‘zbekiston musulmonlari idorasi faoliyati bilan tanishtirildi
Imom Buxoriy nomidagi Toshkent islom institutiga yangi qabul qilingan 1-kurs talabalari O‘zbekiston musulmonlari idorasi raisi o‘rinbosari ustoz Zayniddin domla hamrohligida idora faoliyati bilan yaqindan tanishdilar.
Tanishuv davomida talabalarga O‘zbekiston musulmonlari idorasining tarixi, tuzilmasi, asosiy vazifalari va faoliyat yo‘nalishlari haqida ma’lumot berildi. Shuningdek, diniy-ma’rifiy sohada amalga oshirilayotgan ishlar, ta’lim va ma’rifat yo‘nalishidagi loyihalar xususida so‘z yuritildi.
Talabalar idora faoliyatiga oid o‘zlarini qiziqtirgan savollarga javob olib, kelgusidagi ta’lim va kasbiy faoliyatlari uchun muhim ma’lumotlarga ega bo‘ldilar.
O‘zbekiston musulmonlari idorasi Matbuot xizmati
