Nabaviy tabobat: Zanjabil
Alloh taolo Qur’oni karimda zanjabilni zikr etib bunday marhamat qiladi:
﴿وَيُسْقَوْنَ فِيهَا كَأْسًا كَانَ مِزَاجُهَا زَنْجَبِيلًا﴾
“(Jannat ahli) u joyda mizoji zanjabil bo‘lmish qadahlarda (may) ichirilur” (Inson surasi, 17-oyat).
Abu Nuaym “Tibbun Nabaviy” nomli asarida quyidagi hadisni keltiradi: Abu Said Xudriy roziyallohu anhu aytadilar: “Rum podshosi Rasululloh sollallohu alayhi vasallamga ko‘zada zanjabil hadya qildi. Undan har bir kishini bir bo‘lakdan taomlantirdilar. Menga ham bir bo‘lagini berdilar”.
Zanjabilni iste’mol qilish va ko‘zga surtish ko‘zga foyda qiladi. Iste’moli ichak va oshqozondagi noxush hidlarni ketkazadi. Tanadagi ortiqcha namlikni haydaydi. Xotirani kuchaytiradi.
"Islomda salomatlik" kitobidan
Muhammad Zarif Muhammad Olim o‘g‘li
Imom-noib xalqaro tanlov g‘olibi bo‘ldi
Toshkent shahar Yunusobod tumanidagi "Kulol-Qo‘rg‘on" jome masjidi imom noibi Bahodir domla Muhammadiyev O‘zbekiston – Buyuk Britaniya hamkorligida o‘tkazilgan xalqaro konferensiya doirasidagi «Buyuk xizmat – Oliy sharaf» ilmiy-amaliy ko‘rik-tanlovida g‘olib deb topildi.
Imom-domlamizning ilmiy faoliyati, ta’lim sohasidagi tashabbuslari hamda fidokorona mehnatlari yuqori baholanib, u kishi «Buyuk xizmat – Oliy sharaf» xalqaro esdalik va sharaf nishonlari hamda maxsus guvohnoma bilan taqdirlandilar.
Bahodir domlani ushbu yuksak e’tirof bilan samimiy qutlaymiz!
Alloh taolo domlamizning ilmlarini bundan-da ziyoda qilsin, dinimiz va el-yurtimiz rivoji yo‘lidagi ijodiy va ilmiy faoliyatlariga baraka bersin!
O‘zbekiston musulmonlari idorasi
Matbuot xizmati
