Qurbonlik qilinayotganda o‘qiladigan 5 duo
بسم الله والله أكبر اللهم منك ولك اللهم تقبل مني
O‘qilishi: Bismillahi. Vallohu akbar. Allohumma minka va laka. Allohumma taqobbal minniy.
Ma’nosi: Allohning nomi bilan. Alloh ulug‘dir. Allohim, bu Sendan va Sen uchundir. Allohim, mendan qabul et.
اللهم تقبل هذا منى كما تقبلت من حبيبك محمد و خليلك إبراهيم عليهما السلام
O‘qilishi: Allohumma taqobbal haazaa minniy kama taqobbalta min Habiybika Muhammad sollallohu alayhi vasallam va Xaliylika Ibrohim alayhimassalom.
Ma’nosi: Allohim! Bu qurbonligimni habibing Muhammad, xaliling Ibrohim alayhimassalomdan qabul qilganingdek qabul qilgin.
إِنِّي وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا وَمَا أَنَا مِنَ الْمُشْرِكِينَ
O‘qilishi: Inniy vajjahtu vajhiy lillaziy fatoros samaavaati val arz haniyfan va maa anaa minal mushrikiyn.
Ma’nosi: Men to‘g‘ri yo‘lni tanlagan holimda yuzimni osmonlar va Yerni ixtiro etgan Zotga qaratdim. Men mushriklardan emasman.
قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
O‘qilishi: Qul inna solaatiy va nusukiy va mahyaaya va mamaatiy lillahi Robbil ’alamiyn.
Ma’nosi: Ayting: “Albatta, namozim, ibodatim va hayotu mamotim olamlar Robbi bo‘lmish Alloh uchundir”.
لَا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ
O‘qilishi: Laa shariyka lahu va bizaalika umirtu va anaa avvalul muslimiyn.
Ma’nosi: Unga (hech qanday) sherik yo‘qdir. Mana shu (aqida)ga buyurilganman va men (Allohning buyruqlariga) taslim etuvchilarning avvaliman.
Davron NURMUHAMMAD
Buxoroda diniy soha xodimlariga yuksak e’tirom ko‘rsatildi
Vatanimiz mustaqilligining 35 yillik bayrami arafasida Buxoro viloyatida jamiyatda milliy-diniy qadriyatlarni mustahkamlash, el-yurt ma’naviyati va osoyishtaligini ta’minlash yo‘lida fidokorona mehnat qilayotgan diniy-ma’rifiy soha xodimlarini taqdirlashga bag‘ishlangan tantanali tadbirlar bo‘lib o‘tdi.
Davlatimiz rahbarining tegishli farmonlariga muvofiq, diniy sohada samarali faoliyat yuritib kelayotgan bir guruh soha xodimlari yuksak davlat mukofotlari bilan taqdirlandilar. Marosimda Buxoro viloyati hokimining o‘rinbosari Azizbek Qalandarov ishtirok etib, yig‘ilganlarni qutlug‘ ayyom bilan samimiy qutladi va davlat mukofotlarini o‘z egalariga tantanali ravishda topshirdi.
Shuningdek, bayram munosabati bilan viloyat hokimligi tashabbusi asosida soha fidoyilariga maxsus vaucherlar taqdim etildi. Tadbirda so‘z olganlar davlatimiz tomonidan ma’naviy-ma’rifiy soha xodimlariga qaratilayotgan yuksak e’tibor va g‘amxo‘rlik uchun minnatdorlik bildirdilar.
Bundan tashqari, O‘zbekiston musulmonlari idorasi Buxoro viloyati vakili, viloyat bosh imom-xatibi Jobir domla Elov tomonidan viloyat vakilligi tasarrufida samarali xizmat ko‘rsatib kelayotgan bir guruh diniy soha xodimlariga tashakkurnomalar topshirildi.
Ko‘tarinki ruhda o‘tgan marosimlarda bunday yuksak e’tibor va ehtirom soha fidoyilarini el-yurt farovonligi va dinimiz sofligini targ‘ib etish yo‘lidagi xayrli faoliyatga yanada kuch-g‘ayrat bilan kirishishga ruhlantirishi ta’kidlandi.
O‘zbekiston musulmonlari idorasi
Matbuot xizmati
