Sayt test holatida ishlamoqda!
25 Iyul, 2025   |   30 Muharram, 1447

Toshkent shahri
Tong
03:35
Quyosh
05:12
Peshin
12:35
Asr
17:36
Shom
19:51
Xufton
21:20
Bismillah
25 Iyul, 2025, 30 Muharram, 1447

Qur'on va Sunnat mo''jizalari musobaqasi uzaytirildi

04.03.2023   1003   1 min.
Qur'on va Sunnat mo''jizalari musobaqasi uzaytirildi

Misrning Al-Azhar islom tadqiqot akademiyasi qoshidagi Qur'oni Karim va sunnati nabaviya ilmiy mo''jizalari qo'mitasi “Barqaror rivojlanishga erishish uchun inson salohiyatini oshirishda Qur'oni Karim va Sunnati nabaviyaning mo'jizakorligi” mavzusidagi tadqiqot musobaqasini ikki oy muddatga uzaytirishga qaror qildi. Ko'p sonli ishtirokchilarning talablariga binoan ilmiy mavzulardagi tadqiqotlarni taqdim etilishining oxirgi muddati etib 30 aprel' kuni etib belgilandi.
Islom tadqiqotlari akademiyasining Ilmiy mo''jizalar qo'mitasi o'tgan yilning dekabr oyida tanlov va uning shartlarini e'lon qilgan edi. Unda tanlovga taqdim etilgan tadqiqot ishi arab yoki ingliz tillarida bo'lishi, oldin taqdim etilgan tadqiqot mavzulariga takror bo'lmasligi, tadqiqot muallifining ilmiy darajaga ega bo'lishi, tadqiqot ishining boshqa musobaqalarga taqdim etilmagan bo'lishi talab qilingan.
Qo'mitaning ma'lum qilishicha, musobaqada birinchi o'rin sohibiga 15 000 funt sterling, ikkinchi o'rin sohibiga 10 000 funt sterling va uchinchi o'rin sohibiga 5 000 funt sterling taqdim etiladi. Qolgan ishtirokchilar rag'batlantiruvchi mukofot va tashakkurnomalar bilan taqdirlanadilar.

O'MI xodimi I.Ahmedov tayyorladi.

Dunyo yangiliklari
Boshqa maqolalar
Maqolalar

Fursat g‘animatdir

22.07.2025   5020   2 min.
Fursat g‘animatdir

Inson hayotida eng qimmatbaho ne’matlardan biri vaqtdir. U nihoyatda tez o‘tadi, biror narsaga bog‘lab, to‘xtatib, ortga qaytarib bo‘lmaydi. Har lahza inson umridan bir bo‘lakdir. Shuning uchun vaqtni samarali o‘tkazish, uni qadrlash har bir aqlli inson uchun juda muhim.


Har insonga bir umr berilgan. U yillar, oylar, kunlar, daqiqalar bilan hisoblanadi. Bir soat bekorga ketsa, umrimizdan bir qism bekor ketgan bo‘ladi. Ko‘pincha biz "ertaga qilib qo‘yaman", "keyinroq boshlayman" deya o‘zimizni aldab qo‘yamiz. Aniq reja asosida hayot kechirish, har bir kunni maqsadli va mazmunli o‘tkazish vaqtdan unumli foydalanishning asosiy yo‘lidir. Ilm o‘rganish, mehnat qilish, sog‘liqqa e’tibor qaratish, oila va yaqinlarga vaqt ajratish — bularning bari vaqtning to‘g‘ri taqsim qilinishi bilan bo‘ladi.


Tan olish kerak, zamonaviy texnologiyalar, ijtimoiy tarmoqlar va axborot oqimi vaqtimizni o‘g‘irlab, bizni chalg‘itmoqda. Lekin ayb o‘zimizda. Ba’zan keraksiz narsalarga soatlab vaqt sarflaymiz, keyin esa "vaqtim yetmadi" deb shikoyat qilamiz. Shuning uchun ham hayotda "nimalar muhim, nimalar esa vaqt sarflashga arzimaydi" degan savolga aniq javob topib olish lozim. Vaqtga e’tiborli inson – mas’uliyatli insondir. U har bir vazifani o‘z vaqtida bajaradi, orzulari sari qat’iyat bilan intiladi va hayotini nazorat qila oladi.


Islom dinida ham vaqtga alohida ahamiyat berilgan. Qur’oni karimdagi Asr surasida Alloh taolo asr (vaqt)ga qasam bilan insonning zararda ekani ta’kidlagan. Bu esa vaqtning beqiyos ekanini yana bir bor yodga soladi. Faqat iymon keltirgan va yaxshi amallar qilgan, bir-birlariga Haq (yo‘li)ni tavsiya etgan va bir-birlariga (mana shu Haq yo‘lida) sabr-toqat qilishni tavsiya etgan zotlargina najot topishi aytilib, ulgurib qolishga da’vat etilgan. Demakki, vaqtni to‘g‘ri sarflay olgan insongina yutuqqa erishadi. Hayotimizdagi har bir daqiqa – bebaho xazina. Undan oqilona foydalanib qolish kerak, azizlar.

Abdulvohid ISAQOV,

Namangan shahridagi

“Miryoqubboy Mirhakimboy”

jome masjidi imom xatibi

Maqolalar