Rasululloh ﷺga nima bo‘ldi?
Bismillahir Rohmanir Rohiym
Banu Dinor qabilasidan bir ayolning eri, akasi va otasi Uhudda shahid bo‘ldi. Unga yaqinlari halok bo‘lgani haqida aytishgan edi, «Rasululloh sollallohu alayhi vasallamga nima bo‘ldi?» deb so‘radi. «Ey Ummu Falon, u zot yaxshilar», deyishdi. Lekin: «U zot alayhissalomni menga ko‘rsatinglar, ko‘zim bilan ko‘rayin», deb iltimos qildi. Unga Rasululloh sollallohu alayhi vasallamni ko‘rsatishdi. Ayol sevikli Payg‘ambarimiz alayhissalomni ko‘rgach, «Sizni ko‘rganimdan keyin boshqa barcha musibatlar arzimasdir», dedi.
Shayx Zulfiqor Ahmad Naqshbandiyning
"Ishqi Rasul" kitobidan Nodirjon Odinayev tarjimasi
“Daily News Hungary”: Toshkent mediaforumi islom sivilizatsiyasini targ‘ib etishda yangi imkoniyatlar taqdim etdi
Vengriyaning “Daily News Hungary” axborot portalida Toshkentda bo‘lib o‘tgan “Islom sivilizatsiyasi: yangi nigoh, yangi kashfiyotlar” mavzusidagi xalqaro mediaforumga bag‘ishlangan maqola chop etildi, deb xabar bermoqda “Dunyo” AA muxbiri.
Nashrda qayd etilishicha, forumga 46 mamlakatdan 200 nafarga yaqin ommaviy axborot vositalari xodimlari, kinematograflar va raqamli texnologiyalar bo‘yicha ekspertlar jam bo‘ldi.
Tadbirning asosiy maydoni Toshkentdagi Islom sivilizatsiyasi markazi bo‘ldi. Muallifning ta’kidlashicha, forumdagi asosiy muhokama zamonaviy raqamli avlod uchun tarixiy va madaniy merosni dolzarblashtirish masalasiga qaratilgan.
Qayd etilishicha, jurnalistikaning asosiy mezonlari bo‘lgan haqqoniylik va xolislikni qat’iy saqlagan holda sun’iy intellekt, immersiv texnologiyalar hamda striming platformalaridan foydalanish muhim ahamiyat kasb etadi.
Maqolada O‘zbekiston Prezidenti matbuot kotibi Sherzod Asadovning nutqiga, “CNN”, “Euronews” va “BBC Studios” kabi xalqaro media sanoati gigantlarining ishtirokiga alohida e’tibor qaratilgan.
Materialda Toshkent mediaforumi uzoq muddatli xalqaro hamkorlikka poydevor qo‘ygani, O‘zbekistonning global imijini shakllantirishda an’ana va innovatsiyalarning muvaffaqiyatli uyg‘unlashuvini namoyon etgani ta’kidlangan.
O‘zbekiston musulmonlari idorasi Matbuot xizmati
