Qur'oni karim fula tiliga tarjima qilindi
Afrikaning Gvineya davlatidagi “Islom uyi” uyushmasi hamda “Tadqiqot va tarjima” markazi tomonidan 4 yillik hamkorlikdan so'ng Qur'oni karimning fula tilidagi tarjimasining elektron varianti chop etildi.
Ushbu elektron variant hozirda Qur'on entsiklopediyasining rasmiy veb-saytida mavjud bo'lib, u 23 tilga, jumladan, hausa va suahili tillariga tarjima qilingan.
Loyiha rasmiylariga ko'ra, Qur'onni fula tiliga tarjima qilish qiyin kechgan, chunki tarjimonlar kitobning tili barcha o'quvchilar uchun tushunarli bo'lishini ta'minlash kerak edi. Shu bois imkon qadar Qur'on ma'nolari tarjimasiga o'ta jiddiy yondashildi. Ushbu tarjimaning qog'oz nusxasi tez orada taqdim etiladi.
Afrikadagi fula tilida so'zlashuvchilar Senegal, Mavritaniya, Gambiya va G'arbiy Malida yashaydi. Bu til Senegaldagi ikkinchi mahalliy til va mamlakat aholisining taxminan 22 foizining asosiy tilidir.
Fula tili eng keng tarqalgan Afrika tillaridan biri hisoblanadi. U bir necha asrlar oldin yozila boshlagan, Afrika va xorijiy ta'lim hamda ilmiy muassasalar unga e'tibor qaratgan. Fula tili HH asrning ikkinchi yarmida uni yozishning ahamiyati ortgan, shu sababli turli til, madaniyat, diniy, adabiy va boshqa sohalarda yuqori ko'rsatkichga erishgan.
O'MI Matbuot xizmati
“Network News Pakistan”: 2025 yilda O‘zbekiston Markaziy Osiyo aholisi uchun eng ommabop sayohat yo‘nalishi bo‘ldi
Pokistonning “Network News Pakistan” elektron nashri “O‘zbekiston turizmi o‘sish bo‘yicha Markaziy Osiyoda birinchi o‘rinni egalladi” sarlavhali axborot maqolani e’lon qildi, deb xabar qilmoqda “Dunyo” AA.
Unda Butunjahon sayohat va turizm kengashining (World Travel & Tourism Council – WTTC) “Sayohat va turizmning 2026 yilga qadar iqtisodiy ta’sirini o‘rganish” hisobotiga ko‘ra, 2025 yilda Markaziy Osiyo dunyoning eng tez rivojlanayotgan sayyohlik mintaqasiga aylangani ta’kidlangan.
“WTTC o‘z tadqiqotlarini dunyoni 13 ta yirik mintaqaga bo‘lgan holda olib boradi. 2025 yil yakunlariga ko‘ra, Markaziy Osiyo turizm sohasini rivojlantirishning bir nechta asosiy ko‘rsatkichlari bo‘yicha dunyoda birinchi o‘rinni egalladi. Shu bilan birga, O‘zbekiston bu ko‘rsatkichlarning barchasi bo‘yicha Markaziy Osiyo mamlakatlari orasida yetakchiga aylandi”, – deyilgan manbada.
Nashrda qayd etilishicha, 2025 yilda turizmning Markaziy Osiyo yalpi ichki mahsulotiga qo‘shgan umumiy hissasi 17,7 foizga, sohaning bevosita hissasi esa 19,6 foizga oshgan. Mintaqada turistik xizmatlar eksporti (visitor exports) yil davomida 26,4 foizga o‘sib, 9,9 milliard AQSH dollarini tashkil etdi.
Mintaqadagi turistik xizmatlar eksporti umumiy hajmining deyarli yarmi O‘zbekiston hissasiga to‘g‘ri keladi. Jumladan, 2025 yilda O‘zbekistonga 4,8 milliard AQSH dollari miqdorida turistik xizmatlarni eksport qilgan. WTTC ma’lumotlariga ko‘ra, 2025 yilda O‘zbekiston Markaziy Osiyo aholisi uchun eng ommabop sayohat yo‘nalishi bo‘ldi.
“Umuman olganda, bu ko‘rsatkichlar turizmning mintaqaviy xarakterga ega ekanini anglatadi. Markaziy Osiyo aholisi ko‘pincha o‘z mintaqasi ichida sayohat qiladi”, – deyiladi maqolada.
“Network News Pakistan” WTTC prognoziga tayanib yozishicha, 2036 yilga borib turizm sohasining Markaziy Osiyo iqtisodiyotiga qo‘shadigan umumiy hissasi 29,7 milliard AQSH dollariga yetadi.
O‘zbekiston musulmonlari idorasi Matbuot xizmati
