Ustozga hurmat — ilm barakasining kaliti
Shofe’iy rahmatullohi alayhi aytadi: "Qur’on, hadis, nahv yoki boshqa har qanday ilmni olishda odobga amal qildim. Madinada Imom Molikni ko‘rdim. U kabi haybatli, ilmni ulug‘lovchi kishini aslo uchratmadim. Uning majlisida varaqlashda chiqadigan ovozdan xavotirlanib kitobni nihoyatda sokinlik bilan varaqlar edim".
O‘zbekiston Prezidenti Bahouddin Naqshband maqbarasini ziyorat qildi
O‘zbekiston Prezidenti Shavkat Mirziyoyev bugun O‘zbekiston–Ozarbayjon sammitining ikkinchi kuni tadbirlarida ishtirok etish uchun Buxoro shahriga keldi, deb xabar bermoqda “Dunyo” AA.
Davlatimiz rahbari matbuot xizmati ma’lumotiga ko‘ra, tashrif xayrli amaldan – Bahouddin Naqshband maqbarasi ziyoratidan boshlandi. Qur’on oyatlari tilovat qilinib, xalqimizga tinchlik-farovonlik tilab, duo o‘qildi.
Majmua islom olamining ulug‘ qadamjolaridan biri hisoblanadi. Mazkur ziyoratgoh Naqshbandiya tariqatining asoschisi Bahouddin Naqshband dafn etilgan joyda barpo etilgan bo‘lib, bugungi kunda maqbara, xonaqoh, masjidlar, daxma va so‘fiylik tarixi muzeyini o‘z ichiga oladi.
O‘zbekiston musulmonlari idorasi Matbuot xizmati
