Sayt test holatida ishlamoqda!
13 Iyul, 2026   |   28 Muharram, 1448
search icon
Avvalgi sayt
ЎЗ РУ EN AR

Toshkent shahri
Tong
03:19
Quyosh
05:01
Peshin
12:29
Asr
17:40
Shom
20:00
Xufton
21:38
Bismillah
13 Iyul, 2026, 28 Muharram, 1448
Avvalgi sayt
#search
 YouTube

“Ota jannatning o‘rta eshigidir” hadisi sharhi

07.07.2026   8771   1 min.
“Ota jannatning o‘rta eshigidir” hadisi sharhi

Savol: Payg‘ambarimiz sollallohu alayhi vasallam: “Ota jannatning o‘rta eshigidir. Xohla, bu eshikni saqla, xohla zoye qil”, degan ekanlar. Shuni izohlab bersangiz. O‘rta eshik deganda nima tushuniladi?


Javob: Bismillahir rohmanir rohiym. Ha, haqiqatan ham shunday hadis bor, uni imom Termiziy rahimahulloh Abu Dardo roziyallohu anhudan rivoyat qilgan.

Abu Dardo roziyallohu anhu aytadilar: “Men Rasululloh sollallohu alayhi vasallamning “Ota jannat eshiklarining o‘rtasidir. Xohlasang, o‘sha eshikni muhofaza qil yoki zoye qil”, deganlarini eshitganman”.

Muhaddis ulamolar mazkur hadisni sharhlab, mazmunini tushuntirib berganlar. “O‘rta” deb tarjima qilingan so‘z hadisda “avsat” deb kelgan. Avsat so‘zining bir emas, bir necha ma’nolari bor. O‘rta degan ma’nodan tashqari eng yaxshi, eng to‘g‘ri, mo‘tadil degan ma’nolarda ham keladi.

Alloma Qozi Bayzoviy rahimahulloh aytadi: “Ya’ni (jannat) eshiklarining eng yaxshisi va eng oliysidir. Buning ma’nosi shuki: Jannatga kirishga va uning oliy darajalariga erishishga vosita bo‘ladigan eng go‘zal narsa ota-onaga itoat qilish hamda ularning haq-huquqlari va ko‘ngillarini rioya qilishdir”.

Boshqa ulamolar bunday deyishgan: “Albatta, jannatning bir necha eshiklari bor va ularning ichida kirish uchun eng go‘zali o‘rtadagisidir. O‘sha o‘rta eshikdan kirishga sabab bo‘ladigan amal esa ota-onaning haqlarini ado etishdir”. Vallohu a’lam.

 

O‘zbekiston musulmonlari idorasi
Fatvo markazi

Boshqa maqolalar
Yangiliklar

Xalqaro forumda Imom Buxoriy haqidagi muhim asar taqdimot qilindi

13.07.2026   159   1 min.
Xalqaro forumda Imom Buxoriy haqidagi muhim asar taqdimot qilindi

#taqdimot #forum #kitob

Avval xabar qilinganidek, mamlakatimizda "Islom sivilizatsiyasi: tinchlik, bag‘rikenglik va ilm-ma’rifat yo‘li" mavzusidagi I Xalqaro islom sivilizatsiyasi forumi bo‘lib o‘tdi.


Samarqand shahrida o‘tkazilgan ushbu nufuzli anjuman Imom Buxoriy rahimahulloh merosini xalqaro miqyosda keng targ‘ib qilish, islom ilmlari bo‘yicha tadqiqotlarni rivojlantirish, xorijiy ilmiy markazlar bilan hamkorlikni mustahkamlash hamda yosh tadqiqotchilar uchun yangi ilmiy muloqot maydonlarini yaratishga xizmat qildi.


Forum doirasida O‘zbekiston musulmonlari idorasi Buxoro viloyati vakili, "Imom Buxoriy" ordeni sohibi, Ulamolar kengashi a’zosi, Mir Arab oliy madrasasi rektori Jobir domla Elov muallifligida nashr etilgan "Imom Buxoriy – muhaddislar faxri" kitobi taqdimoti bo‘lib o‘tdi.


Asarda buyuk muhaddis Imom Buxoriy rahimahullohning hayoti, ilmiy merosi, yuksak axloqi hamda Islom tamadduni rivojiga qo‘shgan beqiyos hissasi sodda va ravon uslubda yoritilgan.


Kitob Imom Buxoriy rahimahullohning ilmga sadoqati, taqvosi va mashaqqatli ilmiy safarlarini o‘quvchiga yaqindan tanishtirib, ma’naviy-ma’rifiy jihatdan muhim manba bo‘lib xizmat qiladi. 


O‘zbekiston musulmonlari idorasi

Matbuot xizmati

Xalqaro forumda Imom Buxoriy haqidagi muhim asar taqdimot qilindi Xalqaro forumda Imom Buxoriy haqidagi muhim asar taqdimot qilindi
O'zbekiston yangiliklari
#logo