“Nafsimga taqvosini ber”
Nafsni tarbiyalash oson ish emas. Banda nafsini tarbiyalash yo‘llariga amal qilish bilan birga har doim Alloh taolodan yordam so‘rab turishi lozim. Payg‘ambarimiz sollallohu alayhi va sallam mana bu duoni aytardilar:
“Allohim, nafsimga taqvosini ber va uni pokla. Sen poklovchilarning eng yaxshisisan. Uning Egasi va Xoliqi ham O‘zingsan” (Ushbu duo Imom Muslim Zayd ibn Arqam roziyallohu anhudan rivoyat qilgan hadisda kelgan).
Shayx Nuriddin XOLIQNAZARning “Inson qadri” kitobidan
Xorazmda diniy ta’lim muassasalariga kirish imtihonlari boshlandi
Bugun, 7 avgust kuni O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026-2027 o‘quv yili uchun 4-hudud — Xorazm viloyati bo‘yicha kirish test sinovlariga start berildi.
Imtihonlar Urganch tumanidagi Bilim va malakalarni baholash agentligining Xorazm viloyati bo‘limi binosida yuqori saviyada tashkil etilmoqda. Ma’lumotlarga ko‘ra, mazkur hudud bo‘yicha test sinovlarida jami 289 nafar abituriyent ishtirok etishi belgilangan.
Mazkur jarayonlarning ochiq, adolatli va tasdiqlangan nizomlar asosida o‘tishini ta’minlash maqsadida O‘zbekiston musulmonlari idorasi rahbariyati, Din ishlari bo‘yicha qo‘mita mas’ullari, diniy ta’lim muassasalari rahbarlari, soha mutaxassislari hamda mustaqil kuzatuvchilar jalb etilgan.
Manzil: Urganch tumani, Yuqoriovul QFY, Yuqorido‘rmon MFY. Murojaat uchun telefon: +99 899 775 93 45
Qabul jarayonlari bo‘yicha rasmiy kanal: t.me/qabulmuslimuz
O‘zbekiston musulmonlari idorasi
Matbuot xizmati
