Pokiston OAV: O‘zbekiston Islom sivilizatsiyasi merosini tiklashda muhim tashabbuskor bo‘lmoqda
Pokistonning “Diplomatic News Agency”, “Islamabad Post”, “News Network Pakistan”, “The World News”, “Infora News” nashrlarida O‘zbekistonda bo‘lib o‘tgan I Xalqaro Islom sivilizatsiyasi forumi haqida turkum maqolalar e’lon qilindi, deb xabar bermoqda “Dunyo” AA.
Pokiston matbuotining yozishicha, mazkur forum tinchlik, bag‘rikenglik, ma’rifat, madaniyatlararo va dinlararo muloqot tamoyillari asosida tashkil etilgan. Ushbu yirik tadbirda O‘zbekistonning butun mintaqa, islom va jahon sivilizatsiyasining shakllanishi hamda taraqqiyotiga qo‘shgan hissasi e’tirof etilgan holda maxsus deklaratsiya qabul qilingan.
Mazkur deklaratsiyada O‘zbekiston Prezidentiga chuqur minnatdorlik izhor etilgani, O‘zbekiston yetakchisi tomonidan 2017 yilda BMT Bosh Assambleyasining 72-sessiyasida ilgari surilgan tashabbusning bugungi jamiyat uchun beqiyos ahamiyati e’tirof etilgan. Ushbu tashabbus islom sivilizatsiyasining boy insonparvarlik merosini qayta tiklash, ilmiy jihatdan o‘rganish va keng targ‘ib etishga qaratilgan.
Shu bilan birga, maqolada forum ishtirokchilari bir ovozdan O‘zbekistonda Islom sivilizatsiyasi markazining tashkil etilgani, uning samarali faoliyati yo‘lga qo‘yilgani va Birinchi Xalqaro Islom sivilizatsiyasi forumining o‘tkazilishi mazkur tashabbusning amaliy ifodasi ekanini tasdiqlagani qayd etilgan. Bu sa’y-harakatlar musulmon ummatining bebaho merosini o‘rganish, asrab-avaylash va keng targ‘ib qilish borasida xalqaro hamkorlikning yangi davriga asos solgani shubhasiz.
Deklaratsiyada islom sivilizatsiyasi merosini o‘rganish, saqlash va keng targ‘ib qilish, xalqaro hamkorlikning yangi tizimini shakllantirish maqsad qilib belgilangan. Shu bilan birga, islom olamidagi nufuzli tashkilotlar va global tashabbuslarning alohida o‘rin tutishi qayd etilgan.
O‘zbekiston musulmonlar idorasi Matbuot xizmati
Bir guruh diniy-ma’rifiy soha fidoyilariga "O‘zbekiston Respublikasi mustaqilligining 35 yilligi" esdalik nishonlari topshirildi
27 avgust kuni O‘zbekiston Respublikasi mustaqilligining 35 yilligi munosabati bilan diniy-ma’rifiy sohada samarali mehnat qilib kelayotgan fidoyi yurtdoshlarimizni taqdirlashga bag‘ishlangan tantanali tadbir bo‘lib o‘tdi.
Tadbirda O‘zbekiston Respublikasi Prezidentining diniy-ma’rifiy masalalar bo‘yicha maslahatchisi Muzaffar Komilov kirish so‘zi bilan ishtirok etdi.
Kirish nutqida mamlakatimizda mustaqillik yillarida, ayniqsa, so‘nggi yillarda diniy-ma’rifiy sohani rivojlantirish, jamiyatda tinchlik-totuvlik, millatlararo hamjihatlik va diniy bag‘rikenglikni mustahkamlash borasida amalga oshirilayotgan islohotlar, shuningdek, sohada faoliyat yuritayotgan ulamolar, imom-xatiblar, mudarrislar va fidoyi xodimlarning munosib hissasi haqida alohida ta’kidlandi.
Tantanali tadbir davomida diniy-ma’rifiy sohada ko‘p yillardan buyon samarali mehnat qilib, yurtimizda ma’naviy barqarorlikni ta’minlash, yosh avlodni milliy va umuminsoniy qadriyatlar ruhida tarbiyalash, aholi o‘rtasida ma’rifiy tushuntirish ishlarini olib borishga munosib hissa qo‘shib kelayotgan bir guruh fidoyi yurtdoshlarga "O‘zbekiston Respublikasi mustaqilligining 35 yilligi" esdalik nishonlari tantanali ravishda topshirildi.
Esdalik nishonlarini topshirish marosimida O‘zbekiston Respublikasi Prezidentining diniy-ma’rifiy masalalar bo‘yicha maslahatchisi Muzaffar Komilov, Din ishlari bo‘yicha qo‘mita raisi Sodiq Toshboyev, O‘zbekiston musulmonlari idorasi raisi, muftiy Shayx Nuriddin Xoliqnazar hazratlari, O‘zbekistondagi Islom sivilizatsiyasi markazi direktori Firdavs Abduhalikov, O‘zbekiston Respublikasi Vazirlar Mahkamasi mas’ul xodimi Orifxon Zokirovlar ishtirok etdilar.
Taqdirlash marosimida ta’kidlanganidek, mazkur esdalik nishoni mamlakatimiz taraqqiyotiga, uning tinchligi va barqarorligiga, jamiyatda millatlararo totuvlik va diniy bag‘rikenglik muhitini mustahkamlashga, yosh avlodni milliy va umuminsoniy qadriyatlar ruhida tarbiyalashga munosib hissa qo‘shayotgan fidoyi insonlarga bildirilgan yuksak ehtirom va e’tirof ramzidir.
Tadbir yakunida taqdirlanganlar o‘zlariga bildirilgan yuksak ishonch va e’tibor uchun minnatdorlik bildirib, mamlakatimiz tinchligi va ravnaqi yo‘lidagi ezgu faoliyatlarini yanada sidqidildan davom ettirishlarini ta’kidladilar.
Barcha mukofot sohiblarini samimiy muborakbod etamiz!
Mustaqilligimizning 35 yilligi muborak bo‘lsin!
O‘zbekiston musulmonlari idorasi Matbuot xizmati