BITTA KLIK — VAYRON BO‘LGAN TAQDIR!
"Kuryer kerak. Kunlik to‘lov. Malaka shart emas..." Internetdagi ushbu jozibali e’lon ortida qanday mudhish tuzoq turganini bilasizmi?
"Ziyo" media markazining yangi "KURYER" ijtimoiy radioroligi — oson pul topish shavqida hayoti barbod bo‘lgan yigit va jigarbandining qilmishidan qaddi bukilgan ona iztirobi haqida.
Xulosa qiling, ogoh bo‘ling! Ba’zan telefon ekraniga birgina "klik" bosish kutilmagan musibatlarga olib keladi.
Xorazmda yangi o‘quv yili oldidan xayriya tadbiri o‘tkazildi
Bugun, 10 avgust kuni Xorazm viloyati Urganch shahridagi «Oxun bobo» jome masjidida xayrli va saxovatpesha tadbir tashkil etildi.
O‘zbekiston Respublikasi mustaqilligining 35 yilligi hamda yaqinlashib kelayotgan yangi o‘quv yili munosabati bilan Urganch shahar bosh imom-xatibi Hasanboy domla va saxovatpesha homiylar tashabbusi bilan boquvchisini yo‘qotgan hamda kam ta’minlangan oilalar holidan xabar olindi.
Tadbir doirasida maktab yoshidagi o‘quvchilarga yangi o‘quv yili uchun zarur bo‘lgan maktab formasi, sumka va to‘liq o‘quv qurollari to‘plamlari tantanali ravishda topshirildi.
Marosim yakunida yurtimiz tinchligi, xonadonlar fayzu barakasi va xayrli ishga hissa qo‘shgan barcha saxovatpesha insonlar haqiga ezgu duolar qilindi.
O‘zbekiston musulmonlari idorasi
Matbuot xizmati