Sayt test holatida ishlamoqda!
12 Noyabr, 2026   |   2 Jumadul soni, 1448

Toshkent shahri
Tong
05:46
Quyosh
07:07
Peshin
12:12
Asr
15:25
Shom
17:10
Xufton
18:26
Bismillah
12 Noyabr, 2026, 2 Jumadul soni, 1448

“Russia News”: Toshkentda qabul qilingan deklaratsiya islom sivilizatsiyasi merosini tiklashga xizmat qiladi

16.07.2026   82781   1 min.
“Russia News”: Toshkentda qabul qilingan deklaratsiya islom sivilizatsiyasi merosini tiklashga xizmat qiladi

Rossiyaning “Russia News” internet nashrida Toshkentda bo‘lib o‘tgan Islom sivilizatsiyasi forumi yakunlariga bag‘ishlangan maqola e’lon qilindi, deb xabar bermoqda “Dunyo” AA.

Maqolada qayd etilishicha, “Tinchlik, bag‘rikenglik va ma’rifat yo‘li” mavzusida bo‘lib o‘tgan Islom sivilizatsiyasining birinchi xalqaro forumi yakunlari bo‘yicha deklaratsiya qabul qilinib, unda islom sivilizatsiyasining insonparvarlik merosini qayta tiklash va keng targ‘ib etishga qaratilgan qator aniq tashabbuslar ilgari surilgan.

Nashrning ta’kidlashicha, mazkur Deklaratsiyaning asosini O‘zbekiston Prezidenti Shavkat Mirziyoyev tomonidan 2017 yilda BMT Bosh Assambleyasining 72-sessiyasi minbaridan ilgari surilgan islom sivilizatsiyasining insonparvarlik merosini tiklash va targ‘ib qilish

Ta’kidlanganidek, hujjat dunyoning 40 dan ortiq mamlakatidan kelgan vakillar tomonidan imzolangan. Uning asosiy g‘oyasi shundan iboratki, islom sivilizatsiyasi jahon ilm-fani, madaniyati va ta’lim taraqqiyotiga ulkan hissa qo‘shgan bo‘lsa-da, bu meros haligacha yetarlicha e’tirof etilmagan. Bu, ayniqsa, dunyoda islomofobiya, ksenofobiya hamda islom haqidagi noto‘g‘ri tasavvurlar saqlanib qolayotgan bir sharoitda alohida ahamiyat kasb etadi.

Shuningdek, maqolada islom sivilizatsiyasi merosini asrab-avaylash va ommalashtirishga qaratilgan qator tashabbuslar haqida ham so‘z boradi. Jumladan, Islom sivilizatsiyasi butunjahon alyansini tashkil etish, raqamli platformalar va kutubxonalarni yaratish, xalqaro tadqiqot dasturlari, mukofotlar va jamg‘armalar ta’sis etish, ensiklopediya tayyorlash, shuningdek, olimlar, muzeylar va yoshlar o‘rtasida hamkorlik platformalarini shakllantirish taklif etilgan.

“Yangi deklaratsiya yakuniy hujjat sifatida emas, balki islom sivilizatsiyasining boy ma’naviy va intellektual merosini asrab-avaylash hamda uning umuminsoniy qadriyatlarini xalqaro miqyosda keng targ‘ib etishga qaratilgan uzoq muddatli amaliy hamkorlikning boshlang‘ich nuqtasi sifatida baholanmoqda”, - deya yakunlagan “Russia News”.

O‘zbekiston musulmonlar idorasi Matbuot xizmati

Boshqa maqolalar
Maqolalar

Sirlar ishoniladigan kishi

11.11.2026   16228   1 min.
Sirlar ishoniladigan kishi

“Nopok qalbdan nopokliklar kishining tili va butun a’zolariga to‘lib-toshadi. Pokiza qalbdan esa sog‘lom fikrlar kishining tili va butun a’zolariga to‘lib-toshadi”.

* * *

“Ulg‘ayish, umrda oldinga yurishning eng go‘zal jihati shundaki, vaqt o‘tishi bilan bir paytlar sening butun kuch-quvvating va his-tuyg‘ularingni barbod qilgan ko‘plab narsalarni qanchalik arzimas va mayda bo‘lganini anglab yetasan”.

“Zodul maod”

* * *

Imom Ibn Kasir rahimahulloh aytadi: “Har bir sen bilan o‘tirgan kishi ham ulfatchilikka yarayvermaydi. Har bir ulfatga ham sirlar ishonib topshirilmaydi. Sirlarga faqat omonatdor kishilargina ishoniladi”.

“Al-Bidoya van nihoya”

* * *

“Andalus (Ispaniya) o‘z tarixining hech bir davrida arab musulmonlari davridagidek bag‘rikenglik, adolat va donishmandlik bilan boshqarilmagan”.

Stenli Leyn-Pul (ingliz tarixchisi)

 Anvar AHMAD tayyorladi.

“Islom nuri” gazetasining 2026 yil 15-sonidan

http://hidoyatuz.taplink.ws

Ibratli hikoyalar