Toshkent islom institutining ilk magistrlari xatmona tadbiri bo‘lib o‘tadi
Bugun, 22 iyul kuni O‘zbekiston musulmonlari idorasida mamlakatimiz diniy-ma’rifiy hayotidagi muhim voqea – Imom Buxoriy nomidagi Toshkent islom institutining ilk magistrantlariga diplom topshirish marosimi bo‘lib o‘tadi.
Tadbirda davlat va jamoat tashkilotlari vakillari, taniqli ulamolar, imom-xatiblar, ustoz-talabalar va OAV xodimlari ishtirok etadi.
E’tiborlisi, Toshkent islom instituti tarixida ilk bor 2024 yilda tashkil etilgan magistratura bosqichini iqtidorli talabalar muvaffaqiyatli tamomladi.
Marosim "Hazrati Imom" jome masjidi yonidagi O‘zbekiston musulmonlari idorasi binosining katta majlislar zalida bo‘lib o‘tadi.
Tadbir tafsilotlari va bitiruvchilarga kutilmagan xushxabarlarni sahifalarimiz orqali kuzatib boring.
O‘zbekiston musulmonlari idorasi Matbuot xizmati
Mustaqillik shukuhi — ezgulik va saxovat timsoli
Mustaqilligimizning 35 yilligi munosabati bilan yurtimizda tinchlik, mehr-oqibat, saxovat va insonparvarlik kabi yuksak qadriyatlarni keng targ‘ib etishga qaratilgan xayrli tadbirlar amalga oshirilmoqda.
Jumladan,13 avgust kuni Xorazm viloyati bosh imom-xatibi Xayrulla domla Abdullayev boshchiligida tuman bosh imom-xatiblari, otinoyilar, «Haj–2026» ziyoratidan qaytgan hoji otalar va hoji onalar hamda mahalla faollari ishtirokida Urganch shahridagi «Oxun bobo» jome masjidida sayyor yig‘ilish o‘tkazildi. Tadbirda Xorazm viloyati hokimi o‘rinbosari R.Sobitov ishtirok etdi. Tadbir doirasida «Mustaqillik shukuhi» shiori ostida Urganch shahridagi boquvchisini yo‘qotgan, yetim, nochor va kam ta’minlangan oilalardan 100 nafariga VAQF jamoat fondi viloyat bo‘limi bilan hamkorlikda moddiy yordamlar ko‘rsatildi. Bu xayrli amal orqali ehtiyojmand oilalar holidan xabar olinib, ularga moddiy ko‘mak va samimiy mehr-e’tibor ulashildi.
O‘zbekiston musulmonlari idorasi Xorazm viloyati vakilligi matbuot xizmati