Imom Buxoriy majmuasidagi jome masjidda juma namozi ado etildi
#xabar #juma #tashrif
Davlatimiz rahbari tashabbusi bilan qayta bunyod etilgan Imom Buxoriy majmuasidagi jome masjidda navbatdagi juma namozi ado etildi.
Ibodat oldidan Qashqadaryo viloyati bosh imom-xatibi Rahmatillo domla Usmonov "Yetimlarga yordam berish – jannat kaliti!" mavzusida ma’ruza qildilar.
Suhbatda Qur’oni karim oyatlari va hadisi shariflar asosida yetimlarga g‘amxo‘rlik qilish, ularning haq-huquqlarini muhofaza etish hamda bugungi kundagi «tirik yetimlar» muammosiga e’tibor qaratish zarurligi ta’kidlandi.
Shuningdek, jamiyatda saxovat va bag‘rikenglikni mustahkamlash mo‘min-musulmonlarning muhim vazifasi ekani aytib o‘tildi. Namoz yakunida yurt tinchligi, el farovonligi va xayrli islohotlar bardavomligini so‘rab duolar qilindi.
O‘zbekiston musulmonlari idorasi
Matbuot xizmati
O‘zbekiston Prezidenti Bahouddin Naqshband maqbarasini ziyorat qildi
O‘zbekiston Prezidenti Shavkat Mirziyoyev bugun O‘zbekiston–Ozarbayjon sammitining ikkinchi kuni tadbirlarida ishtirok etish uchun Buxoro shahriga keldi, deb xabar bermoqda “Dunyo” AA.
Davlatimiz rahbari matbuot xizmati ma’lumotiga ko‘ra, tashrif xayrli amaldan – Bahouddin Naqshband maqbarasi ziyoratidan boshlandi. Qur’on oyatlari tilovat qilinib, xalqimizga tinchlik-farovonlik tilab, duo o‘qildi.
Majmua islom olamining ulug‘ qadamjolaridan biri hisoblanadi. Mazkur ziyoratgoh Naqshbandiya tariqatining asoschisi Bahouddin Naqshband dafn etilgan joyda barpo etilgan bo‘lib, bugungi kunda maqbara, xonaqoh, masjidlar, daxma va so‘fiylik tarixi muzeyini o‘z ichiga oladi.
O‘zbekiston musulmonlari idorasi Matbuot xizmati
- «
- »