"Zakovat" intellektual bellashuvi g‘oliblari aniqlandi
O‘zbekiston Respublikasi davlat mustaqilligining 35 yilligi munosabati bilan O‘zbekiston musulmonlari idorasi Navoiy viloyat vakilligi hamda Navoiy viloyat hokimligi hamkorligida «Qur’on tinchlikka buyuradi» shiori ostida imom-xatiblar va imom noiblari o‘rtasida tashkil etilgan «Zakovat» intellektual bellashuvi yuqori saviyada bo‘lib o‘tdi.
Bellashuv natijalari:
1-o‘rin — «Shayx Gadoy Selkin» jamoasi
2-o‘rin — «Qizilqum» jamoasi
3-o‘rin — «Nurota» jamoasi
G‘olib jamoalarni samimiy muborakbod etamiz!
Barcha ishtirokchilarga ilm-ma’rifat yo‘lidagi ezgu sa’y-harakatlarida muvaffaqiyatlar, yurtimiz tinchligi, xalqimiz ma’naviyati yuksalishi va Vatanimiz ravnaqi yo‘lidagi faoliyatlarida ulkan zafarlar tilaymiz.
Hazratnavoi.uz
Ma’naviy-ma’rifiy soha fidoyilari taqdirlandi
Vatanimiz mustaqilligining 35 yilligi munosabati bilan Surxondaryo viloyati Qumqo‘rg‘on tumanida diniy-ma’rifiy sohada samarali faoliyat yuritayotgan, jamiyatda sog‘lom ma’naviy muhitni mustahkamlash va yoshlarni yot g‘oyalardan asrash yo‘lida fidokorona mehnat qilayotgan bir guruh soha xodimlari taqdirlandi.
Tadbirda Qumqo‘rg‘on tumani hokimining birinchi o‘rinbosari Z.Eshqobilov ishtirok etib, yig‘ilganlarni qutlug‘ bayram bilan samimiy muborakbod etdi hamda ularning el-yurt osoyishtaligi va ma’naviy-ma’rifiy ishlar samaradorligini oshirishdagi xizmatlarini yuqori baholadi.
Marosimda fidoyi soha xodimlariga tuman hokimligining tashakkurnomalari va bayram esdalik sovg‘alari tantanali ravishda topshirildi.
O‘zbekiston musulmonlari idorasi
Matbuot xizmati
