Nepallik oftalmolog doktor Sunduk Roit dunyoning eng sara 139 nafar shifokorlari ichidan saralanib, "Insoniyatga xizmat uchun Iso mukofoti"ni va bir million AQSh dollarilik qimmatbaho sovrinni qo'lga kiritdi. Uni Bahrayn qiroli Hamad bin Iso Al Halifa taqdirladi.
Taqdirlash marosimida Bahrayn qiroli Podshohlik tomonidan qabul qilingan ushbu global tashabbus insoniyatning birligiga, barqarorligiga va musibatlarni ketkazishga xizmat qilayotganini ta'kidladi. Shuningdek, u nepallik oftalmolog doktor Sunduk Roitning sa'y-harakatlarini yuqori baholadi.
“Insoniyatga xizmat qilgani uchun Iso mukofoti” xalqaro mukofotlar orasida nufuzli o'rinni egallaydi, u har ikki yilda bir marta katta Bahrayn qirolligi tomonidan o'tkaziladi. G'olib bir million AQSh dollari qiymatidagi sof oltin medali hamda qirol Hamad bin Iso Al Halifa hazrati oliylari tomonidan faxrli yorliq bilan taqdirlanadi.
Tanlov hakamlar hay'ati g'olib deb ko'z kasallikklarini yangicha usul bilan davolashni kashf qilgan nepallik oftalmologning loyihasini tanladi. Sunduk Roitning arzon uslubi unga katarakta operatsiyasini 5 daqiqadan kamroq vaqt ichida amalga oshirishga yordam beradi. Bu vaqt davomida u kataraktani tikuvsiz, kichik kesmalar orqali olib tashlaydi va ularning o'rniga arzon sun'iy linza qo'yadi. U bunday uslub bilan 120 000 dan ortiq ko'rish qobiliyatini yo'qotgan bemorlarni bepul davoladi.
Doktor Roit so'nggi 30 yil davomida o'zining innovatsion jarrohlik usuli bilan Nepalda ko'rlik darajasini qariyb yarmiga kamaytirishga hissa qo'shdi va u butun dunyo bo'ylab 650 dan ortiq shifokorlarga ko'rishdagi zaiflikka qarshi kurashdagi tajribasini o'rgatdi. U shungacha dunyo bo'ylab 35 milliondan ortiq operatsiyalarni amalga oshirdi.
Doktor Roit 2030 yilga qadar bir million odamni tekshirish va 300 000 dan 500 000 gacha odamlarni ko'z kasalliklarini davolashni o'z oldiga maqsad qilib qo'ygan.

Internet materiallari asosida O'MI xodimi
I.Ahmedov tayyorladi.