Moskva meriyasi islom mamlakatlaridan sayyohlar oqimini ko'paytirishga qaratilgan chora-tadbirlarni ishlab chiqmoqda. Bu haqda islamnews kanali ma'lum qilgan.
Poytaxtdagi turizm qo'mitasi rahbari Yuliya Syundyukovaning so'zlariga ko'ra, musulmon sayyohlarga xizmatni yaxshilash rejalashtirilgan bo'lib, ayni kunda sayyohlik salohiyatini namoyish etuvchi taqdimotlar qo'shni mamlakatlarda o'tkazilgan.
“Muayyan manzilni sayohat qilayotgan musulmonlar halol oziq-ovqat mavjudligiga e'tibor berishadi. Shuning bu borada barcha joylarda ishlar olib borilmoqda. Shu bilan birga mehmonxonalarda joynamoz va diniy adabiyotlarning mavjudligiga ham e'tibor berilmoqda”, dedi Syundyukova.
Rasmiyning ta'kidlashicha, musulmonlar uchun turizmni rivojlantirish poytaxtning ustuvor yo'nalishlaridan biridir.
O'zbekiston musulmonlari idorasi matbuot xizmati
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Madinai munavvara shahridagi «Zamzam Pullman» mehmonxonasida bo‘lib turgan ziyoratchilar bilan suhbatlashdilar. Yurtdoshlarimizdan sog‘liklari, kayfiyatlari, ibodatlarini qanday ado etayotganlari, mehmonxonadagi sharoitlar haqida fikr-mulohazalarini so‘radilar.
Bo‘lajak hojilar ziyorat va ibodatlarni bekamu ko‘st ado etishlari uchun ko‘rsatilayotgan xizmatlardan nihoyatda mamnunligini bildirishdi. Ayniqsa, mehmonxona Harami sharifga juda yaqinligi yoshi ulug‘ kishilar uchun ham qulay bo‘layotgani, besh mahal namozni Masjidi Nabaviyda ado etishning shukuhi haqida so‘zladilar. Malakali imom-xatiblardan tashkil topgan ellikboshilar, ishchi guruhi, shifokorlar tunu-kun shay turishganini alohida e’tirof etishdi.
Muqaddas zaminda toat-ibodatlarini xotirjam bajarayotgan ziyoratchilar yaqinlari, oila a’zolari qatorida tez-tez el-yurtimiz, davlatimiz rahbari va boshqa mutasaddilar haqlariga duolar qilib, ofiyat va farovonligimiz bardavomligini Allohdan so‘rashmoqda.
O‘zbekiston musulmonlari idorasi
Matbuot xizmati