Dinimizda takfir tushunchasi
Hozirgi biz yashab turgan musulmonlar jamiyatini ichidan buzib va tafriqalarga sabab bo'ladigan taxdidlardan biri takfir hisoblanadi. Takfir – musulmon insonni gunohi yoki xatosi sabab kofirga chiqarishga aytiladi. Takfir xodisasi dastlab hazrati Ali halifalik davrida unga qarshi chiqqan xavorijlardan sodir bo'lgan. Ular o'zlariga qo'shilmagan yoki ergashmagan musulmonlarni kofirga chiqarib, ularni jonlarini va mollarini halol sanab ularni o'ldirishgan va mollarini talon-taroj qilishgan. Hatto xulofoi roshidin bo'lgan Usmon ibn Affon va xazrati Ali roziyallohu anhuni ham kofirlikda ayblashgan.
Afsuski hozirgi kunda ham havorijlarni yo'lini tutgan turli diniy mutaassib tashkilotlar vakillari musulmonlar yashayotgan o'lkalarni kofirlar yurti deb, o'zlariga ergashmagan yoki qo'shilmagan, u erlarda tinch omonlikda, ibodatlarini to'la to'kis bajarib kelayotgan musulmonlarni ham kofirga chiqarib ularni jonlarini va mollarini halol sanab, ularni o'ldirib mol-mulklariga ega chiqishmoqdalar.
Darhaqiqat islom dinimiz kalimani aytib uni tasdiq qilgan musulmonni kofir deb aytishdan qaytaradi. Payg'ambarimiz alayhissalom muborak hadislarini birida shunday deydilar – “Uch narsa iymonni aslidandir: “Laa ilaha illalloh” degan kishiga tegmaslik. Gunohi sababli kofirga chiqarmaymiz. Amali sababli uni islomdan chiqarmaymiz”. Demak gunohi kabira qilib qo'ygan musulmon madomiki o'sha gunohni halol sanamasa ahli sunna valjamoa nazdida u kishini kofirlikka hukm qilinmaydi. Agar tavba qilmay vafot etsa gunohiga yarasha azoblanadi, lekin abadiy do'zaxda qolmaydi.
Norin tumani “Qozokovul” jome
masjidi imom xatibi R. Alixonov
Bugungi e’tibor – ertangi natija
Istiqlolimizning 35 yillik bayrami arafasida Farg‘ona viloyati bosh imom-xatibi Ubaydulloh domla Abdullayev ishtirokida Quvasoy shahrida xayriya tadbir o‘tkazildi. Unda 33 ta xonadonga oziq-ovqat mahsulotlari, 43 nafar bolajonga esa o‘quv qurollari va kiyim-kechaklar hadya qilindi.
Tadbirda farzandlar uchun munosib sharoit yaratish ezgulikning eng go‘zal ko‘rinishlaridan biri ekani, bugun yosh avlodning bilimi va kamoli uchun qilingan har bir xayrli amal ertangi kun taraqqiyotiga muhim hissa bo‘lib qo‘shilishi ta’kidlandi.
Bunday tadbirlar, shuningdek, Buvayda tumanidagi «Katta mahalla» masjidi jamoasi tomonidan ham tashkil etildi. Unda ijtimoiy ko‘makka muhtoj hamda boquvchisini yo‘qotgan oilalar farzandlaridan 70 nafariga maktabda ta’lim olishi uchun zarur bo‘lgan o‘quv qurollari tarqatildi. Bolajonlar mustaqillik bayrami hamda boshlanajak yangi o‘quv yili bilan muborakbod etildi.
Ilm va yoshlarni qo‘llab-quvvatlashga qaratilgan bunday ezgu tashabbuslar Farg‘ona shahridagi "Xo‘jamberdiboy", So‘x tumanidagi "Sulton Mahmud" masjidi jamoasi tomonidan ham tashkil etilmoqda.
O‘MI Farg‘ona viloyati vakilligi Matbuot xizmati
