Saudiya Arabistoni farovonlik ishlari departamenti Bosh kengashi “Nutq lazzati” Qur'on va azon aytish musobaqasining ikkinchi bosqichiga jami 50 ming ishtirokchidan 2116 nafari qabul qilinganini e'lon qildi.

IQNA saytining “al-Axbar-24”ga tayanib xabar berishicha, “Ushbu musobaqaning eng yosh ishtirokchisi 5 yoshda, eng yoshi kattasi esa 104 yoshda”.

Qur'oni karim tilovati va azon aytishga bag'ishlangan “Nutq lazzati” 2-xalqaro tanlovining birinchi bosqichida dunyoning 165 davlatidan 50 ming nafardan ortiq kishi ishtirok etdi.

Tanlovning dastlabki bosqichlari shaxsan va ishtirokchilarning videoroliklarini hakamlar hay'atiga yuborish orqali o'tkazildi. Hakamlar hay'ati ishtirokchilarning Qur'oni karim o'qilishi va azon aytilgan holda olingan videolavhalarini ko'rib chiqadi va saralanganlar keyingi bosqichga o'tadi.

Tanlovning yakuniy saralash bosqichi Ramazon oyida o'tkaziladi va “MBC” telekanalida jonli efirda namoyish etiladi.

Saudiya Arabistoni farovonlik ishlari departamenti avvalroq ushbu tanlov g'oliblari uchun 12 million Saudiya reyoli miqdoridagi mablag' mukofot tarzda taqdim etilishini e'lon qilgan edi.

O'zbekiston musulmonlari idorasi
Matbuot xizmati