Marokash terma jamoasi himoyachisi Ashraf Hakimi tomonidan namuna olishga arziydigan harakat amalga oshirildi. Ar-Riyodda bo'lib o'tgan “Joy Awards” mukofotlarini topshirish marosimida unga 2022 yilning eng yaxshi arab sportchisi sifatida mukofot topshirildi. Bu sovrin Yaqin Sharqdan kelgan sportchilarga beriladi.
Mukofotni olish uchun Hakimi onasi hamrohligida o'rnidan turdi va darhol olgan mukofotini unga topshirdi.
Eslatib o'tamiz, Hakimi Marokash terma jamoasi safida 2022 yilda Qatarda bo'lib o'tgan jahon chempionatida to'rtinchi o'rinni egallagan edi. O'tgan yili Hakimi "PSJ" bilan birgalikda Frantsiya chempioni bo'ldi va mamlakat Superkubogini qo'lga kiritdi.
Halqaro aloqalar bo'limi xodimi I.Ahmedov
tayyorladi.
Vafot etganingizdan keyin nimalar bo‘lishini tasavvur qilasizmi? Bir necha soat o‘tib, siz uchun yig‘layotgan odamlarning yig‘isi to‘xtaydi. Yaqin qarindoshlaringiz ham hayot tashvishlariga ovunadi.
Ko‘p o‘tmay, rahbaringiz o‘rningizga boshqa xodim topadi. Yaqinlaringiz, farzandlaringiz ishga, tirikchilik tashvishiga tushib ketadi.
Bir oy o‘tgandan so‘ng turmush o‘rtog‘ingiz ham sizni kamroq eslay boshlaydi. Ha, odam o‘zi o‘ylaganidan ko‘ra tezroq unutiladi.
Modomiki, odamlar sizni shunchalar tez esdan chiqarar ekan, bu o‘lchovli umringizni kim yoki nima uchun sarflamoqdasiz? Bir umr “Odamlar nima derkin?” deb yashab o‘tmayapsizmi? Yashashdan maqsadingiz nima o‘zi?
Bir lahza tin olib, shular haqda o‘ylab ko‘ring. Bu olamga keltirilish sababingiz haqida mulohaza yuriting. Yaqinlaringizni hayotlik chog‘ida qadrlangki, vaqti yetganda qadr topasiz. Alloh taolo O‘zi rozi bo‘ladigan hammamizga mazmunli hayot, xayrli oqibat nasib etsin!
Akbarshoh Rasulov