17 yanvar' kuni O'zbekiston elchixonasi diplomatlari Malayziya poytaxti Qirollik politsiyasi rahbari Azmi bin Abu Qosim bilan ikki tomonlama hamkorlik masalalarini muhokama qilish uchun uchrashuv o'tkazdi, deb xabar bermoqda “Dunyo” axborot agentligi.
Muzokaralar chog'ida Malayziya tomoni O'zbekistonda sud-huquq sohasini yanada takomillashtirishga qaratilgan keng ko'lamli islohotlar, shuningdek, mamlakatda jinoiy huquqbuzarliklar, diniy ekstremizm va terrorizmning oldini olish bo'yicha amalga oshirilayotgan chora-tadbirlar bilan batafsil tanishtirildi.
Malayziya tomoni O'zbekistonning ma'rifat yo'li bilan radikallashuv, diniy ekstremizm va terrorizmga qarshi kurashish borasidagi, jumladan, islom dinining asl qadriyatlariga nisbatan yondashuvlarini yuksak baholadi. Mamlakat rahbariyati tomonidan Yaqin Sharqdagi qurolli to'qnashuvlar zonasidan o'z fuqarolarini vataniga qaytarish bo'yicha olib borilayotgan insonparvarlik siyosati alohida e'tiborga loyiqligi ta'kidlandi.
Shu bilan birga, suhbat davomida poytaxtda istiqomat qilayotgan fuqarolarimizning huquq va qonuniy manfaatlarini himoya qilish maqsadida elchixona va Qirollik politsiyasi o'rtasida amaliy hamkorlikni tashkil etish yuzasidan fikr almashildi.

O'zbekiston musulmonlari idorasi matbuot xizmati