Iskandariya universiteti muzeyida hijriy  X-asrga oid nodir, zarhal muchaf ommaga namoyish etildi. Oltin bilan bezatilgan ushbu ajoyib qo'lyozma hijriy 939 yilda Usmonlilar sultoni uchun Bashir ibn Abdulloh tomonidan yozilgan.

Qadimda Qur'on qo'lyozmalari podshohlar, sultonlar va oqsoqollarga taqdim etilgan eng qimmatli sovg'alaridan biri bo'lib, ular zarhal qilinib, usta rassomlar tomonidan qoplangan.

1952-yili Misrda ro'y bergan inqilobdan so'ng bu sovg'alar boshqa qimmatbaho qo'lyozmalar qatori muzeylarga o'tkazildi. Hozirda bunday eng boy muzeylardan biri Aleksandriya universiteti muzeyi hisoblanadi. U erda Qur'on qo'lyozmalaridan tashqari hadis ilmi, va ilohiyot ilmiga oid bir qancha tarixiy kitoblar saqlanmoqda.

O'zbekiston musulmonlari idorasi Matbuot xizmati