HAMDARDLIK BILDIRAMIZ
O'zbekiston musulmonlari idorasi hamda «Shamsuddinxon Boboxonov» nashriyot-matbaa ijodiy uyi jamoasi nashriyot hisobchisi Dilshod Mamadaliyevga otasi Saminjon MAMADALIYeVning vafoti munosabati bilan chuqur ta'ziya bildiradi.
Alloh taolo marhum Saminjon akani rahmatiga olsin, makonini jannat qilsin. Bu dunyoda qilgan barcha xayrli ishlarini boshlariga soya, oxiratlariga zaxira aylasin. Ortda qolgan barcha yaqinlariga go'zal sabr bersin.
Innã lillãhi va innã ilayhi roji'ƴn!
Ozarbayjonning tabarruk qadamjolari ziyorat qilindi
Ozarbayjon safari davomida Turkiy davlatlar muftiylari va anjuman ishtirokchilari Boku, Fuzuliy, Ag‘dam, Shusha singari shaharlardagi muborak qadamjolarni ziyorat qilishdi. Xususan, Boku shahridagi Sayyid Yahyo Bakuviy ziyoratgohi va "Shahidlar xiyoboni"da bo‘ldilar.
Tashkilotchilar iltimosiga binoan O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Ag‘dam shahridagi tarixiy “Juma” masjidida turli davlatlardan kelgan muftiylar, ulamolar va martabali mehmonlarga peshin namozida imomlik qilib berdilar.
Ziyoratlar asnosida ulamolar tomonidan Qur’oni karim oyatlari o‘qilib, qardosh ellar tinchligi, barqarorligi va birdamligini so‘rab xayrli duolar qilindi.
O‘zbekiston musulmonlari idorasi Matbuot xizmati
