Sayt test holatida ishlamoqda!
16 May, 2025   |   18 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:28
Quyosh
05:04
Peshin
12:24
Asr
17:25
Shom
19:39
Xufton
21:08
Bismillah
16 May, 2025, 18 Zulqa`da, 1446
Avvalgi sayt
#search
 YouTube

O'zbekistonning sayyohlik salohiyati Germaniya ommaviy axborot vositalari diqqat markazida

01.12.2022   1103   1 min.
O'zbekistonning sayyohlik salohiyati Germaniya ommaviy axborot vositalari diqqat markazida

Germaniyaning «Neue Zeiten» jurnalida O'zbekistonning Frankfurt-Mayn shahridagi Bosh konsuli Olimjon Abdullayev bilan «Quyoshli zaminimiz yil bo'yi go'zal» sarlavhasi ostida suhbat chop etildi, deb xabar bermoqda «Dunyo» muxbiri.
Unda Germaniya O'zbekiston bilan turizm sohasida hamkorlikda Yevropa davlatlari orasida etakchi o'rinni egallashi qayd etilgan. Suhbatda mamlakatimizda sayyohlarning xavfsiz va o'zini qulay his qilishi uchun barcha zarur sharoitlar yaratilgani ta'kidlangan.
Materialda turizm sohasida amalga oshirilayotgan ijobiy islohotlar, o'zbek xalqining boy madaniy-tarixiy merosi, respublikadagi mashhur sayyohlik yo'nalishlari haqida batafsil ma'lumotlar berilgan. «Germaniyada istiqomat qilayotgan nemis va postsovet jamoatchiligi mamlakatimiz san'ati, madaniyati, me'morchiligi, milliy oshxonasiga katta qiziqish bildirmoqda, sayohatdan doimo unutilmas taassurotlar bilan qaytmoqda», deydi Bosh konsul.
Germaniyadagi «NEUE ZEITEN» oylik axborot jurnali «RusVerlag» nashriyot uyi tomonidan bosma va elektron formatlarda chop etiladi. Jurnal o'z sahifalarida madaniyat, iqtisodiyot, siyosat, sog'liqni saqlash va turizm sohasidagi dolzarb yangiliklarni yoritib boradi. Nashr sahifalarida Markaziy Osiyo, jumladan, O'zbekiston hayotidagi muhim yangiliklar tez-tez e'lon qilinadi.

O'zbekiston musulmonlari idorasi matbuot xizmati

Dunyo yangiliklari
Boshqa maqolalar
Maqolalar

Shu yerda otamni urgan edim

16.05.2025   724   2 min.
Shu yerda otamni urgan edim

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
 

عَنْ مُسْلِمِ بْنِ عَبْدِ اللهِ الْحَنَفِيِّ قَالَ: بِرَّ وَلَدَكَ فَإِنَّهُ أَجْدَرُ أَنَّ يَبَرَّكَ فَإِنَّ مَنْ شَنَأَ عَقَّهُ وَلَدُهُ

Muslim ibn Abdulloh Hanafiydan rivoyat qilinadi: “Bolangga yaxshilik qil. Shunda u senga yaxshilik qiladi. Kim yomonlik qilsa, bolasi unga oq bo‘ladi”.

Bolang kichikligida sen unga yaxshilik qilib, tarbiyasini va muomalasini yaxshi qilgin, qariganingda u senga yaxshilik qaytaradi. Ammo kim yoshligida farzandiga yomonlik qilib yurgan bo‘lsa, qariganida farzandidan ko‘radi.

Ota-ona o‘zining farzandi oldidagi majburiyat va mas’uliyatini sharaf bilan ado etib qo‘ysa, qariganida albatta qilgan yaxshiliklari bolasidan qaytadi.

Xuddi shu ma’noga o‘xshash yana bir gap bor. Kim yoshligida ota-onasiga yaxshilik qilsa, qariganida unga ham bolasi yaxshilik qiladi. Bu holat aksincha bo‘lishi ham mumkin.

Otamiz rahmatli shu ma’nodagi hikoyani bir necha marta takrorlaganlarining guvohi bo‘lganmiz.

Odamlar yo‘lda ketishayotsa, bir yigit oqsoqol cholni kaltaklayotgan emish. Ular tezlab borib, oqsoqolni ajratib olishibdi va yigitga o‘dag‘aylab, unga zardali savollar bera boshlashibdi. Shunda oqsoqol o‘zidan oqqan qonni arta turib: «Unga tegmanglar. Hamma ayb o‘zimda. Men yigitlik chog‘imda xuddi shu yerda otamni urgan edim», debdi.

Shunday ekan, har bir kishi ota-onasiga ham, farzandiga ham doimo yaxshilik qilish payidan bo‘lishi kerak. Qisqasi, har kimga shariat tomonidan berilgan haqning rioyasini qilish lozim.

«Yaxshilik va silai rahm» kitobi 1-juz.

 

Maqolalar
#logo