Doxa markazidan bir kilometr uzoqlikdagi Qatar etnografik qishlog'ida joylashgan masjid 2022 yilgi jahon chempionatiga kelgan butun dunyo futbol muxlislarining diqqatga sazovor joyiga aylandi.

TRT World xabariga ko'ra, sayyohlar islom dini ta'limotlarini tushunish uchun musulmonlar masjidiga kelishadi, Islom haqida xorijiy tillarni biladigan maxsus tayyorgarlikdan o'tgan voiz imomlar aytib berishadi. Shuningdek, masjid eshiklariga islom dini haqidagi ma'lumotlar aks ettirilgan 30 dan ortiq elektron planshetlar o'rnatilgan.
Bundan tashqari, tashrif buyurgan sayyohlarga maxsus bukletlar tarqatilmoqda.

Qatarning Vaqf va Islom ishlari vazirligi tomonidan Jahon chempionati muxlislarining Islom dini va uning ta'limotlari bilan tanishishiga oid maxsus pavil'on tashkil qilindi, ko'cha-ko'yda esa chempionat muxlislari savobli ishlarning ahamiyatini ifodalovchi hadislarni uchratishadi.

O'MI Halqaro aloqalar bo'limi