Buzg'unchi oqim a'zolarining umumiy belgilari
Har bir davrida adashgan, buzg'unchi toifalar chiqib turishi tarixdan ma'lum. Ularning umumiy belgilari, o'zaro o'xshashliklari mavjud. Keling, ular bilan birma-bir tanishib chiqsak:
1. O'z zamonasining olim va etakchi kishlarini tan olmaydi, o'zlaring xato fikrlariga yopishib oladi, xohishlariga qarshi fikr bildirgan har bir odamni haqorat qiladi, tuhmat uyushtiradi, ilimsizlikda ayblaydi.
2. Ko'rinishda adolat haqida kuyunchaklik qiladi, Islom himoyasiga, musulmonlarga mehribon bo'lishga, jannat bog'lariga kirishga chaqiradi, ammo o'zlari zulm va fasod ishlarni qilishda haddan oshadi.
3. Mavjud musulmon boshliqlarga itoat etmaydi, sulh ahdlarga rioya qilmaydi.
4. Ular Alloh taoloning: "Hukm faqat Allohdandir", oyatini, go'yoki shaxsan o'zlari uchun vahiy bo'lib tushgandek, suiiste'mol qiladi, Hohlagan kishini "kofir" deb e'lon qilishdan qo'rqmaydi.
5. O'zlari o'zboshimchalik bilan "xalifa" saylab olishadi, ammo haqiqiy "halifa" lari kibr va qaysarlik timsoli bo'lgan, qalblariga o'rnashib olgan, vasvasa qilvchi shayton ekanligini idrok eta olmaydi.
6. Musulmonlarning qonini to'kish va mol-mulkiga tajovuz qilishni o'ziga xalol sanaydi.
7. Shar'iy hukumlarni ado etishda o'z havoyi nafslariga ergashib ish yuritadi. Go'yoki rahbarlik va qozilik ularga yuklangandek chegaradan chiqadi. Jihod ma'nosini skistemol qiladi.
8. Qaysarliklari va ilmsizliklari sabab do'stni dushmandan ajrata olmaydi, shuning uchun shayton va ularning malaylari qo'llarida qo'g'irchoqqa aylandi.
Tarixiy manbalardan bu kabi adashgan toifalar ko'p uchragani, ularning kasofatidan Islom olamida ziddiyatlar paydo bo'lgani, hozirda ham "IShID" kabi adashgan toifalarning yovuliklarini ko'rgan jahon afkor ommasida Islom dini haqida noto'g'ri tasavvurlar hosil bo'lishi mumkinligi achinarli holdir. Albatta, Alloh taolo, Payg'ambarlari va Islom dini ular qilayotgan tajovuz va zulmlardan pokdir.
Alloh taolo yurtimizni bunday buzg'unchi oqimlardan omonda qilsin!
Namangan tumani Umarboy xoji masjid imom xatibi Qo'chqarov Nazirjon
Malayziya telekanalida O‘zbekistonning ziyorat turizmi imkoniyatlari keng yoritildi
Malayziyaning “Berita RTM” telekanalida O‘zbekistonda ziyorat turizmi sohasida amalga oshirilayotgan islohotlarga bag‘ishlangan maxsus dastur namoyish etildi, deb xabar bermoqda “Dunyo” AA.
Mamlakatimiz mustaqilligining 35 yilligi arafasida efirga uzatilgan ushbu ko‘rsatuvda malayziyalik professorlar – Badrul Isa va Norfadilah Kamaruddin tomonidan ishlab chiqilgan “O‘zbekiston–Malayziya: kreativ turizm” nomli loyiha taqdim etildi.
Olimlar tashabbusi bilan yaratilgan mazkur loyiha mamlakatimizning Malayziyadagi elchixonasi, Turizm qo‘mitasi va Islom sivilizatsiyasi markazi hamkorligida amalga oshirildi.
Tashabbus O‘zbekistonning turizm imkoniyatlari haqida “Visual storytelling” formatida professional raqamli kontent yaratishni nazarda tutadi.
Loyihaga ko‘ra, 17–31 avgust kunlari Malayziya UiTM texnologiya universitetining professional fotograflari va dizaynerlaridan iborat ijodiy jamoa Toshkent, Samarqand, Buxoro va Xorazmda suratga olish ishlarini olib boradi.
Malayziyalik ijodkorlar yurtimiz haqida tayyorlagan foto va videomateriallar “Instagram”, “Facebook”, “TikTok”, “YouTube” kabi internet platformalarda joylashtirilishi rejalashtirilgan. Loyihada yurtimiz oliy o‘quv yurtlarining dizayn, san’at, turizm va mehmonxona biznesi yo‘nalishidagi talabalari ham ishtirok etadi. Bu akademik, turizm va ijodiy sohalarda tajriba almashishni tashkil etish imkonini beradi.
Dasturda fikr bildirgan Badrul Isa loyiha ASЕAN mamlakatlari va musulmon olamida O‘zbekistonni yanada kengroq tanitishga xizmat qilishini ta’kidladi. Uning fikricha, raqamli platformalar orqali mamlakatimiz tarixiy merosi, ziyorat turizmi va amalga oshirilayotgan so‘nggi o‘zgarishlari keng yoritiladi.
“Biz boy tarixiy meros, yuksak madaniyat va mehmondo‘st xalqqa ega bo‘lgan O‘zbekistonni ASЕAN mintaqasi aholisi tomonidan qayta kashf etilishini istaymiz”, – dedi professor.
Shuningdek, u O‘zbekiston xalqini mustaqillikning 35 yilligi bilan tabriklab, loyiha natijalari ushbu sanaga munosib sovg‘a bo‘lishini qayd etdi.
Ushbu tashabbus O‘zbekistonning ziyorat turizmini ommalashtirish va ASЕAN mamlakatlaridan ko‘proq sayyohlarni jalb qilishga xizmat qilishi kutilmoqda.
O‘zbekiston musulmonlari idorasi Matbuot xizmati
