Taniqli kinoyulduz va jang san'atlari ustasi Jan-Klod Van Damm MBC arab telekanaliga bergan interv'yusida to'g'ri ovqatlanishning inson salomatligiga foydasi haqida gapirdi. Uning so'zlariga ko'ra, musulmonlarning to'g'ri ovqatlanish an'anasi Payg'ambar Muhammad mustafo sallollohu alayhi vasallam davrida mukammallashgan va sog'lig'iga befarq bo'lmagan odam unga amal qilgan.
"E'tibor bering, Islomda oziq-ovqatga oid ko'plab maslahat va tavsiyalarlar bor... Muhammad sallollohu alayhi vasallam buyuk aql egasi bo'lgan. U insonga nima yaxshi ekani aniq bilgan. Shuning uchun mendan to'g'ri ovqatlanish haqida so'ramang. Shunchaki tarixga boqing va ishoning, siz u erdan o'zingizga kerak bo'lganini topasiz”, - deb javob bergan Van Damm o'z interv'yusida.
Darhaqiqat, musulmonlar uchun ovqatlanish masalasida eng to'g'ri o'rnak, albatta, foydali bo'lgan mahsulotlar haqida tavsiyalar bergan, qanday ovqatlanish, qancha miqdorda, qanday vaqt oralig'ida ovqatlanishni o'rgatgan Rasululloh sollallohu alayhi va sallamdir.

O'zbekiston musulmonlari idorasi matbuot xizmati