Sayt test holatida ishlamoqda!
14 Iyul, 2025   |   19 Muharram, 1447

Toshkent shahri
Tong
03:21
Quyosh
05:02
Peshin
12:34
Asr
17:40
Shom
19:59
Xufton
21:33
Bismillah
14 Iyul, 2025, 19 Muharram, 1447

CNN Travel: O'zbekiston 2024 yilda tashrif buyurish uchun eng yaxshi maskan

03.01.2024   2113   2 min.
CNN Travel: O'zbekiston 2024 yilda tashrif buyurish uchun eng yaxshi maskan

CNN Travel O'zbekistonni 2024 yilda sayohat qilish uchun eng yaxshi maskanlardan biri sifatida e'tirof etdi, deb xabar bermoqda «Dunyo» AA muxbiri. 

Amerika ommabop saytining yozishicha, 2023 yilda xalqaro turizm pandemiyadan oldingi darajasining qariyb 90 foiziga etgan.

Shularni hisobga olgan holda CNN Travel 2024 yilda sayohatlarni rejalashtirishda e'tiborga olish kerak bo'lgan 24 ta eng yaxshi maskanlar ro'yxatini e'lon qildi. Quvonarlisi, ushbu borib ko'rish shart bo'lgan joylar ro'yxatida O'zbekistonning tarixiy shaharlari ham qayd etilgan.

«Pandemiyadan oldin O'zbekiston mamlakatni jahon miqyosidagi sayyohlik markaziga aylantirish uchun bir qator ulkan islohotlarni hayotga tatbiq etayotgan edi, - deb yozgan CNN Travel. -Endi ushbu vazifalarni amalga oshirish vaqti keldi».

Nashrda qayd etilishicha, O'zbekiston 86 davlat fuqarolariga vizasiz kirish imkoniyatini taqdim etgan. Mamlakatning takrorlanmas landshafti va yaxshi saqlangan qadimiy arxitekturasi sayyohlarni kutmoqda.

«O'zbekistonning Hitoy va Hindistondan O'rta er dengizigacha bo'lgan tarixiy savdo yo'li – Buyuk Ipak yo'lida tutgan o'rnini chuqurroq tushunish uchun Samarqand, Buxoro va Hiva shaharlariga, albatta boring, — deb yozadi CNN. - Samarqanddan 3,5 soatlik masofada joylashgan Sentob qishlog'i 2023 yilda YuNYeSKO tomonidan «Eng yaxshi turizm qishlog'i» deb topildi». 

CNN Travel ma'lum qilganidek, poytaxt Toshkentni Samarqand va Buxoro shaharlari bilan bog'lovchi «Afrosiyob» tezyurar poyezdi bilan mamlakat bo'ylab sayohat qilish yanada osonlashdi. 

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar
Maqolalar

“Qur’oni karimni o‘qishdan seni nima chalg‘itdi?!”

11.07.2025   10262   3 min.
“Qur’oni karimni o‘qishdan seni nima chalg‘itdi?!”

Xolid ibn Valid roziyallohu anhu yoshlari o‘tib, keksayib qolgan chog‘larida Mus'hafi sharifni olib, yig‘lab turib shunday der edilar: “Jihodlar bilan ovora bo‘lib seni o‘qiy olmay qoldik”.

Bu qandayin go‘zal uzr! Xo‘sh, biz o‘zimizni nima deb oqlaymiz?! Xolid ibn Valid roziyallohu anhu shundayin gap aytdilar, ammo biz nima deymiz?! Qiyomat kunida “Qur’oni karim o‘qishdan seni nima chalg‘itdi?!” – deb so‘ralsak, nima deb javob beramiz?! Toki u bizni zararimizga emas, foydamizga hujjat bo‘lishi uchun ko‘ksimizga bosib, kechayu kunduz tilovat qilib bormaymizmi?! Axir Payg‘ambarimiz sollallohu alayhi vasallam: “Alloh taoloning zikrini lozim tut, Qur’oni karim tilovatida mahkam bo‘l. Chunki bu sening osmondagi ruhing, yerdagi zikringdir” [1], deganlar.

Quroni karim oyatlarini tadabbur qilmasdan, ma’nolari haqida fikr yuritmagan holda, hech qanday tushunchasiz ko‘p tilovat qilish asosiy maqsad emas. Agar inson bir necha oyatni tadabbur qilsa, tafsir kitoblariga murojaat etsa yoki tafsir darslariga qatnashsa, ma’nolarni o‘zlashtirsa va ularga amal qilsa, bu ishi o‘sha inson uchun ulkan yaxshilik, xayr-baraka bo‘ladi.

Imom  G‘azzoliy hazratlari bunday deydilar: “Qur’on siz so‘rashingiz mumkin bo‘lgan va u sizning so‘rovlaringizga javob bera oladigan tirik Rasuldir. Siz unga quloq solsangiz, u sizni qondiradi”.

Qalblari iymon nuri ila qorishib ketgan zotlar uchun, albatta, Qur’onda shifo bordir. Yana Qur’oni karimda sarosima, shaytoniy vasvasalar, nafsu havoga ergashishdan saqlovchi shifo bor. Qur’on o‘qigan paytimizda bizni farishtalar qurshab oladi va ular ham bizga qo‘shilib Rahmon bo‘lgan Zotning oyatlariga quloq tutadi. Samo farishtalari tuni bilan Qur’onga qoim bo‘ladigan yer farishtalariga yaqinlashadilar. Endi ayting-chi, odamlar uxlayotgan paytda, tun qorong‘usida biz Qur’on tilovat qilyapmizmi?! Yeru osmonlar Robbi bizga quloq soladigan darajada  oyatlarini tilovat qilyapmizmi?!

 Alloh taoloning shifo oyatlari quyidagilardir:

«...Va mo‘min qavmlarning ko‘ngillariga shifo beradir» (Tavba surasi, 14-oyat).

«Ey odamlar! Sizga o‘z Rabbingizdan mav’iza, ko‘ksingizdagi narsaga shifo, mo‘minlarga hidoyat va rahmat keldi» (Yunus surasi, 57-oyat).

«Biz Qur’onni mo‘minlar uchun shifo va rahmat o‘laroq nozil qilurmiz...» (Isro surasi, 82-oyat).

«...U iymon keltirganlar uchun hidoyat va shifodir...» (Fussilat surasi, 44-oyat).

«...Unda (asalda) odamlar uchun shifo bordir...»  (Nahl surasi, 69-oyat).

«Bemor bo‘lganimda menga shifo beradigan ham Uning O‘zi» (Shuaro surasi, 80-oyat).

 Qur’oni karimni tilovat qilish, eshitish, amal qilish va har bir ishda undagi hukmlarga tayanib ish ko‘rishdan chetlashmang!

Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.


[1]  Imom Ahmad rivoyati.

 

 

Maqolalar