Soxta salafiylarning Islomni buzib ko'rsatuvchi ba'zi botil fikrlari
1. Nabiy sollallohu alayhi vasallamning mavlidlarini nishonlash - bid'at.
2. Nabiy sollallohu alayhi vasallamni ziyorat qilish uchun safarga chiqish - bid'at.
3. Niyatni talaffuz qilib aytish - bid'at.
4. Nabiy sollallohu alayhi vasallamni ulug'lash va maqtash - bid'at.
5. Zikr qilish yoki Nabiy sollallohu alayhi vasallamga salovat aytish uchun yig'ilish - bid'at.
6. Ijtimoiy yig'in yoki dasturlarda odamlar Nabiy sollallohu alayhi vasallamga salovat aytishlari - bid'at.
7. Azondan so'ng Nabiy sollallohu alayhi vasallamga jahriy salovat aytish - bid'at.
8. Muborak "Qasidai Burda"ni o'qish - bid'at.
9. Bomdod namozidan oldin va juma kechasida odamlarni "namozga kelinglar!" kabi so'zlar bilan chaqirish - bid'at.
10. "Juma muborak!" deyish - bid'at.
11. Juma namozidan oldingi sunnat namozi - bid'at.
12. Jumadan oldin fiqh darsini tashkillashtirish - bid'at.
13. Juma kunidagi ikkinchi azon - bid'at.
14. Namozdan keyin birodaringizga "Alloh qabul qilsin!" deyishingiz - bid'at.
15. Qiroatda ovozni chiroyli qilish uchun ohang maqomlarini o'rganish - bid'at.
16. Shim kiyish - bid'at.
17. Hayit kunlarida ommatan takbir aytish - bid'at.
18. Tasbeh ishlatish - bid'at.
19. Namozdan keyin tasbehni sanash va uni jahriy aytish (ovoz chiqarib) - bid'at.
20. Namozdan keyin imomning jamoat bilan duo qilishi - bid'at.
21. Bomdod namozining ikkinchi rak'atidan keyin qunut duosini aytish - bid'at.
22. Imom xatibning xutba so'ngida duo qilishi - bid'at.
23. Hatib duo qilayotganda qo'llarni ko'tarish - bid'at.
24. Baytullohga haj qilgan kishini "Ey hoji!" deyish - bid'at.
25. Ota-onaning qo'llarini o'pish - bid'at.
26. Masjidlarga qubba qo'yish - bid'at.
27. Mehroblar - bid'at.
28. Uch pog'ona zinadan baland holatdagi minbarlar - bid'at.
29. Imomning yuzi qaraydigan ikki tomonga "Alloh" va "Muhammad" yozuvlarini yozish - bid'at.
30. Marhumning ruhi uchun sadaqa o'laroq oqshom tashkil qilish - bid'at.
31. Hayit kunida marhumning oilasiga hamdardlik bildirish - bid'at.
32. Mayyitning ruhiga Fotiha surasini o'qish - bid'at.
33. Qabr ustiga Fotiha yozilgan qabrtosh qo'yish - bid'at.
34. "Bu falonchining ruhidan" deb yozish - bid'at.
35. Ro'zador iftor qilish uchun shomning azonini kutishi - bid'at.
36. Taroveh namozini 20 rak'at qilib o'qish - bid'at.
37. Tarovehda rakatlar orasidagi dam olish chog'ida mav'iza qilish - bid'at.
38. Zuho surasidan boshlab suralar orasida takbir aytish - bid'at.
39. Takbiri tahrimadan oldin odamlarga namozning jamoat namozi ekanini bildirib qo'yish - bid'at.
40. Soqolning uzunasidan olish va uni tartiblash - bid'at.
41. Tug'ilgan chaqaloqning qulog'iga azon aytish - bid'at.
42. Qabristonda marhumning oilasiga salom berish - bid'at.
43. Garchi mustahab kunlarga to'g'ri kelsa ham, shanba kuni ro'za tutish - bid'at.
44. Insonlarga Isro va hijrat kabi Islomdagi tarixiy kunlarni eslatish - bid'at.
45. Suratga tushish - bid'at.
46. Ramazon kirganida xursandchilik o'laroq uylarni bezatish - bid'at.
47. Hojilar kelganida xursandchilik qilib uylarni bezatish - bid'at.
48. Qabrlar oldida duo qilish - bid'at.
49. Jamoaviy ovoz chiqarib Qur'on qiroat qilish - bid'at.
50. Nabiy alayhissalom, u zotning oilalari va solihlarni vasila qilish - bid'at.
Ushbu 50 ta amal musulmonlar ming yildan ko'proq vaqtdan beri bajarib kelayotgan sunnat va mustahablardir. Salafiy-vahhobiylar esa bu amallar sohibini do'zaxga olib boradagan bid'atlardandir, deya bong urishmoqda.. Bu ham hammasi emas, agar barchasini sanaydigan bo'lsak, bu kabi amallar besh yuztadan oshib ketadi!
Darhaqiqat, vahhobiylar o'zlarining shayxlari bo'lmish Alboniyning kitoblaridan bid'atlarni bir kitobga yig'ib chiqish bilan shug'ullandilar, uni "Qomusul-bida'" - "Bid'atlar qomusi" deb nomladilar va unda yuzlab "bid'at" amallarni sanadilar! Ana o'shanda go'yoki, "olamda ulardan boshqa musulmon yo'qligini-yu qolganlarning boradigan joyi do'zaxda" ekanini bilib olasiz!
Ho'sh, ular olib kelgan bu uydirmalar qanday din bo'ldi?!
Malayziya telekanalida O‘zbekistonning ziyorat turizmi imkoniyatlari keng yoritildi
Malayziyaning “Berita RTM” telekanalida O‘zbekistonda ziyorat turizmi sohasida amalga oshirilayotgan islohotlarga bag‘ishlangan maxsus dastur namoyish etildi, deb xabar bermoqda “Dunyo” AA.
Mamlakatimiz mustaqilligining 35 yilligi arafasida efirga uzatilgan ushbu ko‘rsatuvda malayziyalik professorlar – Badrul Isa va Norfadilah Kamaruddin tomonidan ishlab chiqilgan “O‘zbekiston–Malayziya: kreativ turizm” nomli loyiha taqdim etildi.
Olimlar tashabbusi bilan yaratilgan mazkur loyiha mamlakatimizning Malayziyadagi elchixonasi, Turizm qo‘mitasi va Islom sivilizatsiyasi markazi hamkorligida amalga oshirildi.
Tashabbus O‘zbekistonning turizm imkoniyatlari haqida “Visual storytelling” formatida professional raqamli kontent yaratishni nazarda tutadi.
Loyihaga ko‘ra, 17–31 avgust kunlari Malayziya UiTM texnologiya universitetining professional fotograflari va dizaynerlaridan iborat ijodiy jamoa Toshkent, Samarqand, Buxoro va Xorazmda suratga olish ishlarini olib boradi.
Malayziyalik ijodkorlar yurtimiz haqida tayyorlagan foto va videomateriallar “Instagram”, “Facebook”, “TikTok”, “YouTube” kabi internet platformalarda joylashtirilishi rejalashtirilgan. Loyihada yurtimiz oliy o‘quv yurtlarining dizayn, san’at, turizm va mehmonxona biznesi yo‘nalishidagi talabalari ham ishtirok etadi. Bu akademik, turizm va ijodiy sohalarda tajriba almashishni tashkil etish imkonini beradi.
Dasturda fikr bildirgan Badrul Isa loyiha ASЕAN mamlakatlari va musulmon olamida O‘zbekistonni yanada kengroq tanitishga xizmat qilishini ta’kidladi. Uning fikricha, raqamli platformalar orqali mamlakatimiz tarixiy merosi, ziyorat turizmi va amalga oshirilayotgan so‘nggi o‘zgarishlari keng yoritiladi.
“Biz boy tarixiy meros, yuksak madaniyat va mehmondo‘st xalqqa ega bo‘lgan O‘zbekistonni ASЕAN mintaqasi aholisi tomonidan qayta kashf etilishini istaymiz”, – dedi professor.
Shuningdek, u O‘zbekiston xalqini mustaqillikning 35 yilligi bilan tabriklab, loyiha natijalari ushbu sanaga munosib sovg‘a bo‘lishini qayd etdi.
Ushbu tashabbus O‘zbekistonning ziyorat turizmini ommalashtirish va ASЕAN mamlakatlaridan ko‘proq sayyohlarni jalb qilishga xizmat qilishi kutilmoqda.
O‘zbekiston musulmonlari idorasi Matbuot xizmati
- «
- »