Abu Hanifa rahmatullohi alayhi va ashoblarining dalillari
Iymon lug'atda tasdiqdan iborat ekaniga Abu Hanifa va ashoblarining dalillari quyidagilardir:
Alloh taolo Yusuf alayhissalomning akalari tilidan:
"Agar rostgo'y bo'lsak ham, sen bizga ishonmassan", degan (Yusuf surasi, 17-oyat).
"Allohni ochiq-ravshan ko'rmagunimizcha senga iymon keltirmaymiz", degan (Baqara surasi, 55-oyat).
Ya'ni senga ishonmaymiz, seni tasdiqlamaymiz, degani.
Alloh boshqa oyatda:
"Bas, unga Lut iymon keltirdi", degan (Ankabut surasi, 26-oyat).
Ya'ni Lut Ibrohimni tasdiqladi, degani. Chunki Lut aslida bundan oldin ham payg'ambar va mo'min bo'lgan.
Alloh taolo shuningdek:
"...qalbi iymon ila orom topa turib, zo'rlanganlar bundan mustasno...", degan (Nahl surasi, 106-oyat).
"Qalbi, tili va a'zolari iymon-la orom topa turib", demadi.
Boshqa bir oyatda esa:
"Hali iymon qalblaringizga kirgani yo'q", degan (Hujurot surasi, 14-oyat).
Alloh taolo:
"Albatta, iymon keltirgan, solih amallarni qilgan" (Baqara surasi, 277-oyat) kabi ko'plab oyatlarda iymon bilan amalni alohida-alohida zikr qilgan. O'tgan bahslardan ma'lum bo'ladiki, agar amal iymonning haqiqiy juz'i bo'lsa, amal yo'q bo'lganda, iymon ham yo'q bo'lishi lozim bo'ladi. Chunki bir narsaning bir juz'i yo'q bo'lishi uning hammasining yo'q bo'lishidir.
"Aqiydatut-Tahoviya" sharhining talxiysi, kitobidan
«Qur’on tinchlikka buyuradi»
O‘zbekiston davlat mustaqilligining 35 yilligi munosabati bilan «Qur’on tinchlikka buyuradi» shiori ostida Samarqand shahridagi "Obi Rahmat" jome masjidida Qur’on musobaqasi tashkil etildi. Qur’oni karimga bo‘lgan muhabbatni yuksaltirish, qiroat va tajvid ilmlarini keng targ‘ib etish hamda jamiyatda tinchlik va osoyishtalik g‘oyalarini mustahkamlashga xizmat qiluvchi ushbu xayrli tadbirning saralash bosqichlaridan o‘tgan ishtirokchilar «Hifz» va «Mujavvid» yo‘nalishlari bo‘yicha bellashdi.
G‘olib va sovrindorlar:
«Hifz» yo‘nalishi:
1-o‘rin: Asqar Tursunov (Samarqand shahri, «Muhammadamin ota» masjidi imom-noibi);
2-o‘rin: Abduvakil Olimov (Urgut tumani, «G‘avsul A’zam» masjidi imom-xatibi);
3-o‘rin: Shavkat Mahmudov (Narpay tumani, «So‘fi Ziyrak» masjidi imom-xatibi).
«Mujavvid» yo‘nalishi:
1-o‘rin: Zikrullo Matlabov (Samarqand shahri, «Xo‘ja Abdu Darun» masjidi imom-noibi);
2-o‘rin: Burxoniddin Tursunov (Nurobod tumani, «Jom ota» masjidi imom-xatibi);
3-o‘rin: Isomiddin Isayev (Paxtachi tumani, «Xo‘ja Ziyovuddin» masjidi imom-xatibi).
Qo‘shimcha nominatsiyalar:
«Eng ta’sirchan tilovat»: O‘tkir Abdullayev (Pastdarg‘om tumani);
«Eng go‘zal tilovat»: Sardorxon Sobirov (Samarqand tumani);
«Tajvid qoidalariga eng mukammal rioya qilgan ishtirokchi»: Yusufxon Nizomov (Samarqand shahri).
Tadbir yakunida g‘oliblarga O‘zbekiston musulmonlari idorasi viloyat vakilligining diplomlari va «Vaqf» fondi filiali tomonidan qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
