Takabburlik haqida (infografika)
Ibn Umardan rivoyat qilinadi:
Nabiy sollallohu alayhi vasallam: «Kim o'zini ulug' sanasa yoki kibrlanib yursa, Alloh azza va jallaga uchraganda U Zot undan g'azablangan holda bo'ladi», dedilar.
Sharh: Takabburlik, o'zini yuqori tutish, buni hatto yurishda ham izhor qilish Alloh taoloning g'azabini keltiradigan omillardan hisoblanar ekan.
Bundan har bir banda saqlanishi, bu narsaga mutlaqo yaqinlashmasligi zarur.
Har bir xonadonga bayram shukuhi kirib bormoqda
O‘zbekiston Respublikasi mustaqilligining 35 yilligi munosabati bilan vohamiz aholining ijtimoiy ko‘makka muhtoj qatlamlarini qo‘llab-quvvatlash, ularning ko‘ngliga quvonch ulashishga qaratilgan xayrli ishlar davom etmoqda.
Bugun, O‘MI Qashqadaryo viloyati vakili, viloyat bosh imom-xatibi Rahmatillo domla Usmonov boshchiliklarida homiylar jalb etilgan holda mahalla hududidagi xonadonlarga tashrif buyurib, xonadon ahillari bilan samimiy suhbatlar o‘tkazildi. Ularni qo‘llab-quvvatlash maqsadida sovg‘a-salomlar va xayr-ehson qutilari tarqatildi.
Bunday xayrli tashabbuslar xalqimizga xos mehr-oqibat, saxovat va insonparvarlik fazilatlarining amaliy ifodasi bo‘lib, ehtiyojmand oilalarga ma’naviy dalda va ko‘mak berishda muhim ahamiyat kasb etmoqda.
Yurtimizda tinchlik-osoyishtalik, xonadonlarimizda fayzu baraka bardavom bo‘lsin!
O‘MI Qashqadaryo viloyati vakilligi
Matbuot xizmati
