Kubaning Saudiya Arabistonidagi elchisi Qirollik mamlakatdagi birinchi masjid qurilishini moliyalashtirish niyatida ekanligini aytdi.
"Saudiya tomonining ushbu xayr-ehsoni tufayli Gavanada ilk masjid barpo etilmoqda. U erda musulmonlar ko'p bo'lmasa-da ular ahil va inoqdirlar. Kubada musulmonlar uchun sharoit yaratishda ishtirok etish men uchun sharafdir", - deya xabar berdi elchi Vladimir Gonsalez.
Qizig'i shundaki, Saudiya Arabistoni 1956 yilda Kuba bilan diplomatik aloqalarni o'rnatgan birinchi arab mamlakatidir.

O'zbekiston musulmonlari idorasi matbuot xizmati