Vahhobiylikni nima uchun tark etdim?
Shayx Odil Shu'aybiy takfirchi Vahhobiylar fikridan tavba qilib, ahli sunna mazhabiga qaytgandan so'ng shunday deydilar:
Shayxlarimiz bizga: "Biz salafi solihlar yo'lidamiz", deyishgandi. Bilsam, biz xavorijlar tariqatida bo'lib chiqdik.
Bizga: "Sufiylar mushrik", deb aytishdi. Bilsam, ular Allohning eng ixlosli mo'min bandali ekanlar.
Bizga: "Solihlar ila yordam so'rash shirk" deb aytishdi. Fosh bo'ldiki bu amalni qilish musthab ekaniga ulamolar ijmo' qilgan ekanlar.
Bizga: "Tabarruk shirk", deyishdi. Bilsam, ulamolar mustahabligiga ittifoq qilgan bo'lib chiqdi.
Bizga: "Solihlarni vasila qilish shirk", deyishdi. Fosh bo'ldiki barcha ulamolar joiz deyishgan ekan.
Bizga: "Qabrlarda duo qilishni ahli sunna ittifoqi bilan qaytarilgan", deb aytishdi.
Bilsam, bundan faqat ibn Taymiya qaytargan ekan. Undan avvalgi ahli hadis ulamolarning bu amal mustahab ekaniga ittifoqi bor ekan.
Bizga: "Mavlid qilish munkar bid'at", deyishdi. Bildimki barcha asr ulamolari bu amalni ham mustahab deb aytishgan ekan.
Bizga: "Ash'ariylar bid'atchi firqa", deyishgandi. Fosh bo'ldiki Alloh taolo kitoblari ilmini saqlagan barcha muhaqqiq ulamolar Ash'ariylar bo'lib chiqdi.
Bizga: "Ahli sunna bizlarmiz", deyishgandi.
Bilsam, ular karromiylar tariqatidagi mujassima xavorijlarni ayni o'zi ekan.
Alloh tavbalarini qabul etsin!
-----------------
Diniy savodga bo'lgan ehtiyojini ijtimo'iy tarmoq bilan qondirishga harakat qilayotgan yosh birdarlarimizga tavsiya!
Ularni ijtimo'iy tarmoqda:
"Biz faqat Alloh va Rosuliga, Quron va sunnatga ergashamiz. Hukm faqat Allohniki, Allohu akbar", deya kishini qonini jumbushga keltiradigan, aslida yuzaki va sayoz da'volariga aldanib qolmang. Alloh va Rosuliga, Quron va sunnatga ergashish ular da'vo qilganidek mustaqil amalga oshirilmaydi. Quron va sunnatga ergashish salafi solihlar, muhaqqiq mujtahidlar mafhumini chuqurroq anglash, ular asos solgan ko'plab usullar asosida bo'ladi.
To'g'ri yo'ldan adashmaslik uchun biron ustozni o'zingizga lozim tutib, vaqtingizni ko'proq qismini matn ko'rishga ajrating. Hozircha ijtimo'iy tarmoqdan ilm olishdan saqlanganingiz ma'qul. Biroz matn ko'rib ta'lim olgach, yutubdan ham foydalanaverasiz.
"Nega ijtimo'iy tarmoqni ta'lim olishni ziddiga qo'yyapsiz, tarmoqdan ham o'rganish mumkin-ku?" deyilsa, bilingki, men bu gapni diniy savodi mutlaqo yo'q bo'lgan yoshlarga qarata xossatan aytdim. Ko'z o'ngimda ulg'ayib, salafiylik bilan kasallangan o'ttizga yaqin hamqishloq yigitlarni bilaman. Birortalari umrida na ustoz va na matn ko'rmagan. Sevikli ishlari musulmonlarni mushriklikda ayblash. Ozroq bo'sh kelinsa, odam o'ldirishi hech gap mas. Ularni o'zaro bog'lab turgan yagona jihati ijtimo'iy tarmoqda salafiylarning ma'ruzalariga mukkasidan ketganida.
Demak, avval to'g'ri ta'lim oling, so'ng ijtimo'iy tarmoqdan ham foydalanaverasiz.»
«Asrlarni birlashtiruvchi meros»: mediaforumda Qur’on, qo‘lyozmalar va sun’iy intellektga oid loyihalar taqdim etiladi
«Islom sivilizatsiyasi: yangi nigoh — yangi kashfiyotlar» Xalqaro mediaforumining uchinchi yalpi sessiyasi 26 avgust kuni «Asrlarni birlashtiruvchi meros. Islom sivilizatsiyasining ma’naviy mazmun-mohiyati» mavzusida bo‘lib o‘tmoqda. Sessiyada Qur’on merosi, qadimiy qo‘lyozmalar, xattotlik, hujjatli kino hamda tarixiy manbalarni o‘rganishda sun’iy intellektdan foydalanish masalalari o‘rin olgan, xabar bermoqda iccu.uz.
Asosiy loyihalardan biri — «114 Qur’on: islom olami xattotligining 114 durdonasi» bo‘ladi. Uni Mueller & Schindler nashriyot uyi vitse-prezidenti Aleksandr Vilgelm taqdim etdi. Shuningdek, sessiyada «Katta Langar Qur’oni: haqiqat va afsonalar» xalqaro loyihasi taqdimoti bo‘lib o‘tdi. Uni Islom sivilizatsiyasi markazi ilmiy kotibi Rustam Jabborov taqdim qildi.
Sankt-Peterburg hujjatli filmlar studiyasi bosh direktori Aleksey Telnov «Yagona tarixiy meros sahifalari» loyihasi doirasida yaratilgan «Masjid» filmining treylerini namoyish etdi. Islomshunos va madaniyat arbobi Ketlin Gyobel ishtirokchilarni «Allohning 99 ismi: Uning go‘zal ismlari orqali Yaratganni anglash» noshirlik loyihasi bilan tanishtirdi.
Alohida blok yangi texnologiyalarga bag‘ishlanadi. Sberbank Istiqbolli texnologiyalarni rivojlantirish boshqarmasi ijrochi direktori Vladimir Kox hamda Islom sivilizatsiyasi markazi professori, bosh ilmiy xodimi Zohidullo Munavvarov «Sun’iy intellekt — qadimiy qo‘lyozmalarni o‘qishning raqamli kaliti» loyihasini taqdim etadi. Dasturdan, shuningdek, «Payg‘ambarning fazilatlari» kitobi va «O‘zbekiston tarix xaritasida: imperiyalar, sivilizatsiyalar, davrlar» loyihasi ham o‘rin olgan.
Xalqaro munozara «Jaholatdan ma’rifat sari: stereotiplar va islomofobiyani bartaraf etishda medianing o‘rni» mavzusida o‘tkaziladi. Unda Islom hamkorlik tashkiloti, shuningdek, Jazoir, Ummon, Pokiston, Saudiya Arabistoni, Iroq, Mali va O‘zbekistonning davlat va xalqaro ommaviy axborot vositalari vakillari ishtirok etadi.
Bundan tashqari, O‘zbekiston Jurnalistlar uyushmasi raisi Shuhrat Orif «Jurnalistikada tarix va sun’iy intellekt: merosni onlayn makonda qanday saqlash mumkin?» loyihasini, Islom sivilizatsiyasi markazi media bo‘limi rahbari O‘ktam Usmanov esa «O‘zbekistonni dunyoga mashhur qilgan olimlar» kitobini taqdim etadi. Sessiya «Dunyo Qur’oni: xattotlik an’analaridan — kelajak merosi sari» taqdimoti bilan yakunlanadi. Islom sivilizatsiyasi markazi huzuridagi Xattotlik maktabi direktori Habibullo Solih turli mamlakatlar va islom xattotlik maktablari an’analarini birlashtiruvchi noyob Qur’onni yaratish bo‘yicha xattotlar o‘rtasidagi Jahon tanlovini e’lon qiladi.
Forumning asosiy maydoni O‘zbekistondagi Islom sivilizatsiyasi markazi bo‘ladi. Unda deyarli 50 mamlakatdan media va ekspertlar hamjamiyatining 300 nafar vakili — mediakompaniyalar, axborot agentliklari va telekanallar rahbarlari, jurnalistlar, prodyuserlar, olimlar hamda kreativ industriya mutaxassislari ishtirok etadi.
O‘zbekiston musulmonlari idorasi Matbuot xizmati
