Buyuklar imkoniyatlarni yuzaga keltiradilar
Dengizda suzib borayotgan bir kema to'lqinga bas kelolmay g'arq bo'libdi. Faqat to'rt kishigina omon qolibdi. To'lqinlar ularni kimsasiz orolga olib borib qo'yibdi.
Uch kun o'tgach ulardan biri osmondan oltin ham, kumush ham yog'masligini tushunib etgach to'lqinlarni engib o'tishga yaraydigan kichkina qayiq yasashga kirishibdi.
Uning taklifi ikkinchi odamga ham yoqibdi va qayiq yasashga yordamlashibdi.
Uchinchi kishi esa yasalgan qayiq to'lqinlar orasiga kirib oldingi kema kabi to'ntarilib ketishidan qo'rqib joyida o'tiraveribdi, qutqaruv vertalyotlari kelguniga qadar kutishni ma'qul ko'ribdi.
To'rtinchi kishi esa bu oliy intilishni mazah qilibdi, mensimabdi. Bunday harakatlar fikrlashiga ta'sir qilmasligi uchun ulardan uzoqqa ketib qolibdi.
Ikki kun o'tib birinchi va ikkinchi odam to'lqinlardan kechi o'tib, qirg'oqqa etib borishibdi.
Yana ikki kun o'tib qutqaruv vertalyotlari orolga etib borib, uchinchi odamni qutqarishibdi.
Oradan bir oy o'tar-o'tmas jahon miqyosidagi shirkatlardan biri birinchi kishining qarashlarini ma'qullab uni ishga taklif qilishibdi va katta odam bo'lib ketibdi
Haligi orolda qayiq yasashda yordamlashgan ikkinchi kishini ham esdan chiqarmabdi, uni o'ziga sherik qilibdi. Ikkovlari ham muvaffaqiyatli kishilarga aylanishibdi.
Uchinchi kishi esa hayotini oddiy suratda o'tkazibdi.
Ijtimoiy tarmoqlarda bu xabarni eshitgan bir donishmand odam voqeaga quyidagi to'rtta gap bilan kommentariya yozibdi:
“Buyuklar imkoniyatlarni yuzaga keltiradilar. Muvaffaqiyatlilar uning qimmatini ko'taradilar, baland baholaydilar. Oddiy odamlar uni qilishdan qo'rqadilar. Muvaffaqiyatsizlar esa uning ustidan kuladilar!”.
Kunlar o'tib birinchi odam tarixga kiribdi, ikkinchisi muvaffaqiyatli hayot kechiribdi, uchinchisi kunlarini xuddi quyosh chiqib-botishi kabi oddiy o'tkazibdi, to'rtinchisi esa hali hanuz qidirilmoqda ekan!
Endi savol: siz bulardan qaysi birisiz?
Doktor Hasson Shamsi Poshoning "Metin qoyalar" kitobidan
G'iyosiddin Habibulloh, Ne'matulloh Isomov tarjimasi.
Fidokorona xizmat e’tirofsiz qolmaydi
O‘zbekiston musulmonlari idorasi tasarrufidagi "Ko‘kaldosh" o‘rta maxsus islom ta’lim muassasasida ko‘p yillar halol va fidokorona mehnat qilgan xodimamiz Ahmadjonova Nilufar Habibullayevnaning 50 yoshlik yubileyi munosabati bilan ta’lim muassasasi hamda kasaba uyushmasi tomonidan tadbir o‘tkazildi.
Tadbirda ta’lim muassasasi mudiri M. Erkayev, o‘quv ishlari bo‘yicha mudir o‘rinbosari N. Djalolov va manaviy-ma’rifiy ishlar bo‘yicha mudir o‘rinbosari, ta’lim muassasasi kasaba uyushmasi raisi A.G‘aniyev ishtirok etishdi. Muassasa mudiri M. Erkayev muhtarama opamizni shaxsan o‘zi tabriknoma bilan taqdirladi. Esdalik sovg‘alari bilan ham mukofotlandi.
Nilufar opa har kuni tong sahardan ilm dargohiga kelib, uning ozoda, shinam va pokiza bo‘lishiga yillarida sabr, ixlos va sadoqat bilan o‘z hissasini qo‘shib kelmoqda. Bunday kamtarin, ammo qadri baland mehnat barchamiz uchun ibrat namunasidir.
Payg‘ambarimiz sollallohu alayhi vasallam: "Pokizalik iymondandir", deb marhamat qilganlar. Ilm va marifat maskanining ta’minlash — talabalar ustozlarning tinch, toza va barakali ilm olishiga munosib hissa qo‘shadigan ezgu ishdir. Ana beminnat xizmat har qanday e’tirof va ehtiromga loyiqdir.
Bilim yurtimiz o‘z yordamga g‘amxo‘rlik qilishni muhim burch deb biladi. Zero, ilm dargohiga qilingan har bir xizmat — Allohning roziligi yo‘lidagi savobli amaldir. Kim ilm ahliga va ilm maskaniga xizmat qilsa, o‘sha ilmdan taralayotgan ezgulikning ajridan bahramand bo‘lishi umid qilamiz.
Muhtarama opamizga mustahkam sog‘lik-salomatlik, uzoq umr, oila baxti va ishlarida baraka tilaymiz. Alloh taolo halol mehnatlarini ajru mukofotsiz qoldirmasin, qilgan ezgu ishlari va mehnatlarining rohatini ko‘rish uzoq yillar davomida nasib etsin!
"Ko‘kaldosh" o‘rta maxsurs islom ta’lim muassasasi
matbuot xizmati
