Islomda raxbarga munosabat
Vatanimiz o'z erkiga ega bo'lib taraqqiyot sari odimlab borar ekan, afsuski, atrofda halqimiz tinchligi va ravnaqiga chiday olmaydigan "yovuz" kuchlarning ham halovati yo'qolib borayapti.
Natijada esa turli tuman ig'vo tarqatishib aholimiz orasida fitna qilishmoqda.
Minbarda turib jamoatni itoatga chaqirgan imomlar va boshqa ahli ilmlarni "saroy ulamolari, kufr malaylar" degan bo'hton bilan ayblashayapti.
"Aqidatut-tahoviya"da mavzuga oid matnlar bor.
Imomlarimiz, boshliqlarimiz garchi zulm qilsalarda, ularga qarshi chiqishni haq deb hisoblamaymiz. Ulardan birortasini qarg'amaymiz. Ularga bo'ysunishdan bosh tortmaymiz.
Ular modomiki ma'siyatga amr qilishmas ekan, ularga itoat qilishni Allohga itoat qilish o'laroq "farz" deb bilamiz.
Ularning haqqiga salohiyat, muvaffaqiyat va salomatlik so'rab duo qilamiz.
Imom Abu Ja'far at-Tahoviy.
Alloh taolo “Niso”surasi 59-oyatda shunday marhamat qiladi:
يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ ۖ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا
“Ey iymon keltirganlar! Allohga itoat qiling, Payg'ambarga va o'zingizdan bo'lgan ishboshilarga itoat qiling. Biror narsa haqida tortishib qolsangiz, agar Alloh va oxirat kuniga iymon keltirgan bo'lsangiz, uni Allohga va Payg'ambarga qaytaring. Ana shunday qilish xayrli va oqibati yaxshidir”..
Rasululloh sollallohu alayhi vasallamning ko'plab hadislari ham imom Tahoviy hazratlari aytgan hujjatlarga asos bo'ladi.
Imom Buxoriy Anas ibn Molik roziyallohu anhudan rivoyat qiladi. Rasululloh sollallohu alayhi vasallam aytdilar: “Quloq solinglar va bo'ysuninglar! Garchi sizlarga boshi mayizdek habashiy hokim etib tayinlangan bo'lsa ham”.
Demak, ijtimoiy kelib chiqishidan qat'iy nazar, adolatli rahbarga ham, zolim rahbarga ham itoat qilinadi. Qarshi isyon ko'tarish esa aslo mumkin emas. Alloh to'g'ri yo'ldan adashtirmasin.
Manba asosida tayyorlandi.
Sufiyev Ja'farxon To'raqo'rg'on tuman"Ishoqxonto'ra" jome masjidi imom-xatibi
Anjuman diniy sohada zamoniy kadrlar tayyorlash yo‘lidagi muhim qadam bo‘ldi
Joriy yilning 19-20 avgust kunlari bo‘lib o‘tgan nufuzli anjuman diniy ta’lim tizimini sifat jihatidan yangi bosqichga olib chiqish, ilmiy-tadqiqot ishlari ko‘lamini kengaytirish va sohaga ilg‘or pedagogik yondashuvlarni tatbiq etish va zamon talabiga mos kadrlar tayyorlashda yo‘lidagi salmoqli amaliy qadam bo‘ldi.
Tadbirlar davomida sohaga oid ilmiy ma’ruzalar bilan bir qatorda Oliy Majlis Qonunchilik palatasi, Raqamli ta’lim va sun’iy intellektni rivojlantirish markazi hamda ilmiy-tadqiqot sohasining yetakchi mutaxassislari tomonidan ma’naviy-ma’rifiy taraqqiyot, diniy ta’limda raqamli transformatsiya, sun’iy intellekt va ilmmetriya masalalariga bag‘ishlangan mahorat darslari ham o‘tkazildi. Mashg‘ulotlar tizimda zamonaviy yondashuvlarni ommalashtirish, dars jarayonlarida yangicha uslublarni qo‘llash hamda soha vakillarining kasbiy mahoratini oshirishga xizmat qiladi.
Shuningdek, anjuman doirasida oliy va o‘rta maxsus diniy ta’lim muassasalari professor-o‘qituvchilarining muhtaram Prezidentimizga yo‘llagan Murojaatnomasi o‘qib eshittirildi.
Unda so‘nggi yillarda diniy-ma’rifiy sohani tubdan rivojlantirish, milliy va diniy qadriyatlarimizni tiklash hamda ulug‘ ajdodlarimizning boy ma’naviy merosini o‘rganish va diniy ta’limni rivojlantirish borasida olib borilayotgan tarixiy islohotlar alohida e’tirof etildi. Jumladan, Mir Arab oliy madrasasi, Hadis ilmi maktabi, Imom Termiziy islom instituti kabi diniy ta’lim maskanlari, Imom Buxoriy, Imom Termiziy, Imom Moturidiy va Bahouddin Naqshband kabi xalqaro ilmiy-tadqiqot markazlari tashkil etilishi yurtimizda ma’rifat ahli uchun keng imkoniyatlar ochgani ta’kidlandi.
O‘z navbatida, pedagoglar ushbu yuksak e’tibor va shart-sharoitlar uchun Davlatimiz Rahbariga minnatdorlik bildirib, bunga javoban yoshlarni Vatanga muhabbat va umuminsoniy qadriyatlarga hurmat ruhida tarbiyalash, Islom dinining asl insonparvarlik g‘oyalarini o‘zlashtirgan va sohada yetuk kadrlarni tayyorlashini ta’kidladilar.
Bo‘lib o‘tgan anjuman diniy ta’lim tizimini yangi bosqichga olib chiqish, innovatsion va raqamli texnologiyalarni o‘quv jarayoniga tatbiq etish hamda sohada yuqori malakali, zamon bilan hamnafas mutaxassislarni tayyorlashda muhim poydevor bo‘lib xizmat qiladi.
O‘zbekiston musulmonlari idorasi Matbuot xizmati
- «
- »