Sayt test holatida ishlamoqda!
13 May, 2025   |   15 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:32
Quyosh
05:06
Peshin
12:24
Asr
17:23
Shom
19:36
Xufton
21:04
Bismillah
13 May, 2025, 15 Zulqa`da, 1446
Avvalgi sayt
#search
 YouTube

Misrning mashhur telekanali O'zbekistonda hujjatli fil'm suratga oladi

20.08.2022   5457   1 min.
Misrning mashhur telekanali O'zbekistonda hujjatli fil'm suratga oladi

O'zbekistonning Qohira shahridagi elchixonasi Misrdagi eng ommabop telekanallardan biri - “MBC Egypt T.V.” vakillari bilan muzokaralar o'tkazdi, deb xabar bermoqda “Dunyo” AA.
Suhbat davomida O'zbekistonda badiiy va hujjatli fil'mlarni suratga olish bilan bog'liq masalalar muhokama qilindi.
“MBC Egypt T.V.” vakillari tomonidan  Shayx Abdulbosit Abdulsamadning hayoti va faoliyatini o'zida aks ettiradigan “Rafiq al-Darb” hujjatli fil'mini Buxoro va Samarqand shaharlarida suratga olishga qiziqish bildirildi.
Fil'mning ayrim qismlarini joriy yil avgust-sentyabr' oylarida O'zbekistonda tasvirga olish rejalashtirilgan.
Qayd etish joizki, Shayx Abdulbosit Abdulsamad 1927 yilda Misrning janubida joylashgan Qina muhofazasida tug'ilgan. U Qur'oni Karimni 6 yoshida yod olib, 24 yoshida radio orqali qiroat qilib arab-islom mamlakatlarida dovruq qozongan. U hayoti davomida sobiq SSSR, AQSh, Osiyo va Yaqin Sharq davlatlariga bir necha bor safar qilgan. Shayx Abdulbosit Abdulsamad yangi tarixdagi eng nomdor Qur'on qiroatchilaridan biri hisoblanadi. U 1988 yilda vafot etgan.
Misrlik ijodkorlarning mamlakatimizga safari doirasida Samarqand va Buxoro shaharlaridagi islomiy qadamjolar, Toshkent viloyatidagi tabiat manzaralari hamda O'zbekiston davlat mustaqilligiga bag'ishlangan alohida ko'rsatuvlarni suratga olish va shu orqali O'zbekistonga arab dunyosidan keladigan sayyohlar oqimini oshirish hamda ziyorat turizmini yanada ommalashtirish rejalashtirilmoqda.


O'zbekiston musulmonlari idorasi matbuot xizmati

Dunyo yangiliklari
Boshqa maqolalar
Yangiliklar

Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi

08.05.2025   11670   1 min.
Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi

Shu yil 8 may kuni Buxoro shahridagi Mir Arab oliy madrasasida vakillik tasarrufidagi masjid imom-xatiblari o‘rtasida “Moturidiy ta’limoti bilimdoni” nomli intellektual bellashuv bo‘lib o‘tdi. 


Tadbirni O‘zbekiston musulmonlari idorasining Buxoro viloyatidagi vakili, Mir Arab oliy madrasasi rektori Jobir domla Elov kirish so‘zi bilan ochib, bellashuvning ma’naviy, ilmiy va tarbiyaviy ahamiyati haqida so‘z yuritdi. Viloyat bosh imom-xatibining o‘rinbosari Otabek domla Avezovga esa tanlov tartib-qoidalarini tushuntirdi.


Bellashuv quyidagi to‘rt shart asosida o‘tkazildi: 

1.  Taqdimot sharti
2.  Moturidiy ta’limoti bo‘yicha savol-javob; 
3. Diniy-ma’rifiy sohadagi davlat siyosatiga oid savol-javob; 


Tanlov ishtirokchilari moturidiylik ta’limotining asosiy qoidalari, aqidaviy yechimlari va mantiqiy-ilmiy asoslari yuzasidan o‘z bilimlarini namoyon etdi. 


Bellashuv yakunlariga ko‘ra quyidagi jamoalar g‘olib deb topildi:
•  1-o‘rin: Moturidiy me’rosxo‘rlari;
•  2-o‘rin: E’tiqod durdonalari;
•  3-o‘rin: Aqida imomlari. 


Mazkur tanlov Imom Abu Mansur Moturidiyning ilmiy merosini chuqur o‘rganish, uni keng targ‘ib qilish va bu orqali sof e’tiqod, ilm va ma’rifat asoslarini jamiyatda mustahkamlash maqsadida tashkil etildi. 


O‘zbekiston musulmonlari idorasi
Matbuot xizmati

Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi Imom-xatiblar o‘rtasida o‘tkazilgan tanlov g‘olibi – Moturidiy me’rosxo‘rlari jamoasi
O'zbekiston yangiliklari
#logo