Nima uchun dinimiz qo'pollikdan, haqoratdan, so'kishdan qaytaradi?
Ibn Kasir o'z tafsirlarida taqvo haqidagi oyatlarning tafsirida: «Taqvodorlik avlodlarga ta'sir qiladi. Alloh taqvodor, solih odamning etti pushtini muhofaza qiladi» deb yozganlar. Hazrati Muso alayhissalomning tarixlarida Hizr alayhissalom bilan birga ikki etim bola yashaydigan uyning devorini tuzatib qo'yganlari aytilgan. Alloh taolo ikkita aziz bandasini – ularning biri payg'ambar, biri ilmi laduniy ato etilgan zot – uxlab yotgan ikki etimga tekin mardikor qilib qo'ydi. Nima uchun? Buning hikmati shu ekanki, o'sha etimlarning otasi solih odam bo'lgan ekan. Ibn Kasir rohimahulloh shu oyatning tafsirida «O'sha ikki etimning bevosita tug'dirgan otasi emas, ettinchi avlodidagi bobosi solih zot bo'lgan» deb keltiradilar. Umuman, bir yomonlikning etti pushtga urishi, etti pushtini surishtirish degan istiloh bekorga qo'llanilmaydi. Avlodlar orasida etti pushtgacha o'zaro aloqalar bo'ladi. Qaysi bir suhbatimizda insonning urug'i orqali nafaqat qon, suyak, tirnoq, soch kabi belgilar, balki irsiy ma'lumotlar ham o'tadi, degan edik. Buni bugungi kunning yuksak taraqqiy etgan genetika, psixogenetika fani tasdiqlab turibdi. ta'riflab beryapti
Demak, bu ijobiy ta'sir Qur'on va sunnatning mahsuli, ilmning mahsuli ekan. Ammo yaxshilik etti pushtga etganidek, yomonlikning zarari ham etti avlodgacha borishi ham bor.
Har bir inson, butun jamiyat o'zaro munosabatlarni xalqlarning turli-tuman urf odatlari, madaniyati va qadriyatlarini tan olgan holda bag'rikenglik asosiga qurishi zarur. Zero, tinch-totuvlik, bag'rikenglik taraqqiyot garovidir.
Alloh taolo aziz va mustaqil yurtimizda yashayotgan barcha dindorlarni tinchlik, totuvlik o'zaro hurmat va e'tiborda istiqomat qilishlarida madadkor bo'lib, Ona-Vatanimizni turli balo va ofatlardan hifzu himoyasida saqlasin, Alloh O'zi bizlarni Haq dinidan ayirmasin va iymonimizni doimo hamroh qilsin!
“KAMOLHON EShON BUVA“ MASJIDI IMOM NOIBI
ZIYoVIDDINOV AZIMHON
Imomlar BAAda zamonaviy uslub va ilg‘or tajribalarni o‘rganmoqda
O‘zbekiston musulmonlari idorasi hamda Birlashgan Arab Amirliklari Islom ishlari va vaqflar bosh boshqarmasi hamkorligida o‘zbekistonlik imom-xatiblar uchun BAAda malaka oshirish o‘quvlari boshlandi. Bu haqda mazkur jarayonda ishtirok etayotgan Masjidlar bilan ishlash bo‘limi xabar berdi.
Mazkur o‘quv kurslarining asosiy maqsadi ikki qardosh mamlakat diniy soha vakillari o‘rtasida o‘zaro tajriba almashish, ilg‘or ma’rifiy yondashuvlar, zamonaviy ish usullari hamda dolzarb diniy-ijtimoiy masalalar yuzasidan fikr almashishdan iboratdir.
Safar doirasida bo‘lib o‘tgan navbatdagi ilmiy-amaliy mashg‘ulot davlatchilik asoslari, bag‘rikenglik madaniyati va zamonaviy diniy-ijtimoiy yondashuvlar mavzusiga bag‘ishlandi. Unda BAAning taraqqiyot yo‘li, qonun ustuvorligi va jamiyat barqarorligida «vasatiyya» (mo‘tadillik) tamoyilining o‘rni muhimligi ta’kidlandi. 200 dan ortiq millat va elat vakillari tinch-totuv istiqomat qilayotgan ushbu mamlakatda inson qadri va o‘zaro hurmat asosiy mezon ekaniga urg‘u berildi.
O‘z navbatida, BAA tomoni O‘zbekistonning boy sivilizatsiyasi va dunyo tamadduniga ulkan hissa qo‘shgan buyuk allomalarimiz merosini yuksak ehtirom bilan tilga oldi.
Malaka oshirish jarayonida ishtirokchilar masjidlar faoliyatini tashkil etish, jamiyatda ma’naviy muhitni mustahkamlash, xususan, ma’ruza va suhbatlarni zamonaviy axborot texnologiyalari — interaktiv taqdimotlar va proyektorlar orqali ko‘rgazmali yetkazish bo‘yicha ilg‘or amaliyotlar bilan yaqindan tanishmoqdalar.
Tadbir davomida BAA rahbariyatining global miqyosdagi insonparvarlik va xayriya tashabbuslari ham alohida e’tirof etilib, ikki tomonlama hamkorlikni rivojlantirish va diniy soha xodimlarining kasbiy salohiyatini oshirishga qaratilgan mazkur manfaatli safarni tashkil etgan mutasaddilarga samimiy minnatdorlik bildirildi.
O‘zbekiston musulmonlari idorasi
Matbuot xizmati
