Sayt test holatida ishlamoqda!
13 Avgust, 2025   |   19 Safar, 1447

Toshkent shahri
Tong
04:02
Quyosh
05:30
Peshin
12:33
Asr
17:22
Shom
19:29
Xufton
20:50
Bismillah
13 Avgust, 2025, 19 Safar, 1447

Ashuro kunining ro'zasini tutishni unutmang! (audio)

04.08.2022   26362   3 min.
Ashuro kunining ro'zasini tutishni unutmang! (audio)

8 avgust dushanba kuni Muharram oyining 10-kuni – Ashuro kunidir.

Rasululloh sollallohu alayhi vasallam: “Ashuro kunining ro'zasi – Allohdan umid qilamanki – bir yil oldingi gunohlarga kafforat bo'ladi”, deganlar (Imom Muslim rivoyati).

Ibn Abbos roziyallohu anhu aytadilar: “Rasululloh sollallohu alayhi vasallamni Ashuro kuni ro'zasini Ramazon oyi ro'zasini kutib sog'ingandek, boshqa kun va oy ro'zasini kutganlarini ko'rmadim” (Imom Buxoriy, Imom Muslim rivoyati).

Rasululloh sollallohu alayhi vasallam Ashuro kuni ro'zasini tutib, odamlarni ham bu kunning ro'zasini tutishga buyurganlarida, sahobalar: “Yo, Rasululloh! Bu kun yahudiy va nasroniylar ulug'laydigan kun-ku!” deyishdi. Shunda Rasululloh sollallohu alayhi vasallam: “Alloh xohlasa kelasi yil to'qqizinchi kuni ham tutamiz”, dedilar. Ammo, kelasi yil kelmasidan Rasululloh sollallohu alayhi vasallam vafot etdilar (Imom Muslim rivoyati).

Ulamolarimiz Rasululloh sollallohu alayhi vasallamning ushbu niyatlariga e'tiboran, Ashuro kuniga qo'shib bir kun oldingi yoki bir kun keyingi kunda ham ro'za tutmoq afzal deydilar.

Og'iz yopish va ochish vaqti (Toshkent vaqti bilan):


9 Muharram - 7 avgust - yakshanba


Saharlik (og'iz yopish) vaqti: 03:52
Iftorlik (og'iz ochish) vaqti: 19:35

 

10 Muharram - 8 avgust - dushanba


Saharlik (og'iz yopish) vaqti: 03:54
Iftorlik (og'iz ochish) vaqti: 19:34

 

11 Muharram - 9 avgust - seshanba


Saharlik (og'iz yopish) vaqti: 03:55
Iftorlik (og'iz ochish) vaqti: 19:33

Niyati: Holis Alloh uchun nafl ro'za tutishni niyat qildim.

G'aflatda qolmang! Ashuro kuni ro'zasini tutishni o'tkazib yubormang!

Yaqinlaringizga ham eslating. Ehtimol Siz ularning ro'za tutishiga sababchi bo'larsiz.

Davron NURMUHAMMAD

 

Audio
Boshqa maqolalar
Yangiliklar

Islom sivilizatsiyasi markaziga 25 ta tarixiy yodgorlik maketi hadya qilinadi

11.08.2025   2465   1 min.
Islom sivilizatsiyasi markaziga 25 ta tarixiy yodgorlik maketi hadya qilinadi

O‘zbekistondagi Islom sivilizatsiyasi markazi qurilishi yakunlanish bosqichida turibdi. Ayni vaqtda markaz binosida qurilish va ichki bezak ishlari deyarli tugallangan, ekspozitsiya va kontent bilan boyitish ishlari faol ravishda olib borilmoqda.

 
Hozirda mamlakatimiz va xorijdan jalb qilingan 2000 ga yaqin olim, mutaxassis, dizayner, usta va me’morlar 800 dan ortiq loyiha ustida ish olib bormoqda.


Birinchi bosqichda namoyish etilishi rejalashtirilgan taxminan 400 ta loyiha Prezidentimiz tomonidan ilgari surilgan “Sivilizatsiya, shaxs, kashfiyot” konsepsiyasi asosida shakllantirilmoqda. Mazkur konsepsiyaga muvofiq, ekspozitsiyalar tarixiy, ilmiy manbalar va arxeologik dalillarga asoslangan holda mazmun bilan to‘ldirilmoqda.


Jumladan, markaz kontentini boyitish maqsadida 59 ta maket yaratish rejalashtirilgan bo‘lib, ulardan 24 tasi zamonaviy 3D formatida bo‘ladi. Barcha maketlar yuqori sifatli, aniq va ilmiy asoslangan bo‘lishi talab etiladi. Maketlar muzey darajasiga mos bo‘lishi va vaqt omili sifatga ta’sir qilmasligiga alohida e’tibor qaratilmoqda.


Bu sohadagi muhim hamkorlik tashabbuslaridan biri alohida e’tiborga sazovor. O‘zbekistondagi eng ommabop teleplatformalardan biri — “Sevimli” telekanali tarixiy yodgorliklarning maketlarini tayyorlash ishlarini amalga oshirmoqda.


“Sevimli” telekanali tomonidan Islom sivilizatsiyasi markazi muzeyiga 25 ta tarixiy me’moriy yodgorlik maketini bepul taqdim etish rejalashtirilgan. Ushbu maketlar “Artefact” kompaniyasi tomonidan telekanal buyurtmasiga binoan tayyorlanmoqda. Ushbu jarayonda 15 nafar mutaxassis – texnik xodim va modellashtirish dizaynerlari faol ishtirok etmoqda. 

I.Ahmedov tayyorladi.

O'zbekiston yangiliklari