Namozda oyoqlarni kerib turish
Bugungi kunda namozga oid ixtiloflarning eng ko'zga ko'ringan shakllaridan biri namozda turganda ikki oyoqni haddan tashqari kerib turish bo'lib qolgan. Bu hol bemazhab ixtilofchilarga huzur bag'ishlasa ham, mazhabni tutganlarga erish tuyulishi turgan gap. Huddi shu narsaning ortidan ixtilof chiqqani ham haqiqat. Bu masala bo'yicha doktor Vahba Zuhayliyning «Al Fiqhul Islamiyyu va adillatuhu» nomli kitobida quyidagilarni o'qiymiz: Hanafiylar aytadilar: «Qiyomda ikki oyoq orasini to'rt enlik miqdoricha ochib turish sunnatdir. Chunki bu xushu'ga yaqinroqdir».
«Shofe'iylar aytadilar: «Ikki oyoq orasi bir qarich mikdorida ochiladi.
«Molikiy va hanbaliylar aytadilar: «Ikki oyoqning orasini ochish mandubdir. O'rtacha holatda bo'lsin. Ikkisini bir-biriga qo'shib olmasin yoki juda kengaytirib, urfda noxush sanaladigan bo'lmasin».
Demak, mo''taraf to'rt mazhabning barchasida namozda oyoqni kerib turish durust emas. Ammo bemazhablar ixtilof chiqarish uchun namozda oyoqlarini haddan tashqari kerib turadilar.
«Ixtiloflar, sabablar, echimlar» kitobidan.
“Arab Tourist”: Samarqand, Buxoro va Xiva — islom sivilizatsiyasi va jahon madaniy merosining bebaho durdonalari
Saudiya Arabistonining turizm va sayohatlarga ixtisoslashgan “Arab Tourist” elektron nashrida “Markaziy Osiyoning qoq markazida joylashgan va Buyuk ipak yo‘li bilan bog‘langan mamlakat” sarlavhali tahliliy maqola e’lon qilindi, deb xabar bermoqda “Dunyo” AA.
Maqolada Buyuk ipak yo‘li tarixida o‘zbek shaharlarining tutgan o‘rni alohida e’tirof etiladi. Xususan, Samarqand, Buxoro va Xiva kabi tarixiy shaharlar asrlar davomida Sharq va G‘arb o‘rtasidagi savdo, fan va madaniyat markazlari sifatida xizmat qilgani ta’kidlanadi. Registon maydoni, Ichan-qal’a va Buxorodagi me’moriy obidalar islom sivilizatsiyasi hamda jahon madaniy merosining bebaho durdonalari sifatida tilga olinadi.
Bundan tashqari, nashr O‘zbekistonning rang-barang tabiati va geografik relefiga to‘xtalib o‘tgan. Qizilqum cho‘li, serhosil Farg‘ona vodiysi, Tyan-Shan va Pomir-Oloy tog‘ tizmalari aholi joylashuvi va qishloq xo‘jaligi rivojida muhim o‘rin tutishi qayd etiladi.
Nashr, shuningdek, Buyuk Mirzo Ulug‘bek kabi donishmandlarning astronomiya va matematika sohasidagi buyuk kashfiyotlarini alohida e’tirof etgan.
Xulosada ta’kidlanganidek, Toshkent, Samarqand, Buxoro, Namangan va Andijon kabi shaharlar bugungi kunda nafaqat ma’muriy va iqtisodiy, balki jadal rivojlanayotgan yirik madaniy-turistik markazlar sifatida dunyo sayyohlari e’tiborini o‘ziga jalb etmoqda.
O‘zbekiston musulmonlari idorasi Matbuot xizmati
