Dakka shahrida O'zbekiston Bosh vazirining o'rinbosari, Investitsiyalar va tashqi savdo vaziri Jamshid Hodjayevning Bangladesh Bosh vaziri Shayx Hasina Vazed bilan uchrashuvi bo'lib o'tdi, deb xabar qilmoqda “Dunyo” AA muxbiri.
Unda transport va turizm sohasidagi hamkorlikni faollashtirish chora-tadbirlariga alohida e'tibor qaratilib, "Toshkent – Dakka – Toshkent" yo'nalishi bo'yicha to'g'ridan-to'g'ri havo qatnovini tiklash istiqbollari bo'yicha fikr almashildi. Muloqotda o'zaro aloqalarning kengayishi yo'lovchilar tashish hajmini oshishiga hamda madaniy va turistik almashinuv imkoniyatlarining yaxshilanishiga olib kelishi ta'kidlandi.
"Umra + dasturi" doirasida turizm sohasida hamkorlikni faollashtirish, jumladan, bangladeshlik ziyoratchilarni tranzit qilish uchun O'zbekiston sayyohlik infratuzilmasidan foydalanish rejalashtirilmoqda", - deyiladi xabarda.

O'zbekiston musulmonlari idorasi matbuot xizmati