Sayt test holatida ishlamoqda!
25 Iyul, 2025   |   30 Muharram, 1447

Toshkent shahri
Tong
03:35
Quyosh
05:12
Peshin
12:35
Asr
17:36
Shom
19:51
Xufton
21:20
Bismillah
25 Iyul, 2025, 30 Muharram, 1447

Diniy soha rahbarlari Samarqand imom-xatiblari bilan uchrashuv o'tkazdi

27.07.2022   1408   3 min.
Diniy soha rahbarlari Samarqand imom-xatiblari bilan uchrashuv o'tkazdi

Bugun, 27 iyul' kuni Samarqand shahridagi “Yoshlar markazi” binosida Samarqand viloyatida faoliyat yuritayotgan imom-xatiblar ishtirokida yig'ilish bo'lib o'tdi. Unda Prezident maslahatchisi Muzaffar Komilov, Din ishlari bo'yicha qo'mita raisi Sodiqjon Toshboyev, O'zbekiston musulmonlari idorasi raisi, muftiy Nuriddin domla hazratlari, Samarqand viloyati hokimi o'rinbosari Bahodir Qodirov hamda viloyat bosh imom-xatibi Zayniddin domla Eshonqulov qatnashdi.

Tadbirda so'zga chiqqan Diniy soha rahbarlari muhtaram Prezidentimiz boshchiligida mamlakatimizda barcha jabhalarda bo'layotgani kabi diniy-ma'rifiy sohada ham ko'lamli islohotlar amalga oshirilayotgani, xususan, diniy qadriyatlarimizni tiklash va rivojlantirish, tabarruk ziyoratgoh va qadamjolar, ko'hna masjid va madrasalarni obod qilish, buyuk ajdodlarimizning bebaho ma'naviy-ma'rifiy merosini chuqur o'rganish va keng targ'ib etish borasidagi ishlar xalqimiz va dunyo jamoatchiligi tomonidan e'tirof etilayotgani aytib o'tildi.

Yig'ilish davomida ayni kunlarda Samarqand viloyatida Toshkentdan tashrif buyurgan va viloyatda faoliyat yuritayotgan voiz ulamolar olis va chekka hududlardagi masjidlarda ma'rifiy suhbatlar o'tkazilayotgani, shuningdek, aholi vakillari bilan yuzma-yuz muloqotlar tashkil etilayotgani, ularda hudud ahlini yurtimizda bo'layotgan o'zgarishlar mazmun-mohiyati haqida xabardor qilish bilan bir qatorda, ularning dardu tashvishlariga ko'maklashish, fikr-mulohazalarini tinglash va diniy sohaga tegishli muammolarini joyida o'rganib, bartaraf etish ham ko'zda tutilgani bayon qilindi.

Shuningdek, tadbirda viloyatdagi masjid va mahallalarda o'tkazilayotgan suhbatlarda ijtimoiy-ma'naviy muhitni yanada sog'lomlashtirish, yoshlarni yot g'oyalardan asrashga alohida e'tibor qaratish lozimligi ta'kidlandi.

Yig'ilish so'ngida imom-xatiblar faoliyatini yanada yaxshilash, aholimizning diniy savodxonligini oshirish bo'yicha tavsiyalar berildi.

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Ilmning sharofati: 3-son

23.07.2025   7068   1 min.

Buyuk mutafakkir va faqih Burhoniddin Marg‘inoniyning yetuk shogirdi, hanafiy olim Imom Zarnujiy rahimahullohning "Ta’limul muta’allimi toriqot ta’allumi" kitobi asosida ilm olishning foydalari, odoblari, inson va jamiyat taraqqiyotida ilm-fanning o‘rni haqida so‘z boradi. Sakkiz asrdan beri ilm ahli, talabalar va ziyolilar orasida keng foydalanib kelinayotgan mazkur asar haqida Alloma Laknaviy rahimahulloh haqida "Ko‘p foydalarga ega, nafis, manfaatli kitob", deya ta’rif bergan.

Abduvohid domla Ahmadaliyev,
O‘zbekiston musulmonlari idorasi Fatvo markazi mutaxassisi.