Sunnat: Islom shariatining ikkinchi manbasi (1-qism)
Payg'ambarimiz sollallohu alayhi vasallamning sunnatlari Islom shariatining muhim manbasi sifatida Qur'oni karimdan keyingi o'rinda turadi. Shu sababli, sunnatning o'rni asrlar o'tishi bilan o'zgarmadi va aslo o'zgarmaydi ham.
Musulmonlar orasida fiqiy masalalarda turli xilma-xillik mavjud bo'lsada, biroq Qur'oni karim va Rasululloh sollallohu alayhi vasallam sunnatlarining ahamiyati biror faqih tomonidan rad etilmagan. Ahli sunna val jamoadan ajralib chiqqan firqalardan tashqari, hech kim sunnat Islom shariatining muqaddas manbasi ekanini inkor qilmadi.
Bugungi ahvol ham shu tariqa davom etmoqda. Ammo afsuski so'nggi yillarda ba'zi toifalar sunnatni shariat manbai ekanini inkor etib, hadisi shariflarga tosh otishga, sunnatga nisbatan asossiz shubhalarni uyg'otishga qattiq harakat qilishmoqda. Natijada Islom ta'limotini asl manbadan o'rgana olmaydigan ba'zi musulmonlarda sunnatga nisbatan shubhali fikrlar paydo bo'lmoqda.
Qo'lingizdagi ushbu risola Islom ta'limotining asl manbalariga tayangan holda sunnatning asl va xolis ta'rifini bayon etishga xizmat qiladi. Bu risola bilan foydasiz hamda bexuda bahs-munozara qilish emas, balki haqiqatni ochiq-oydin qo'rsatish niyat qilindi.
Muftiy Muhammad Taqiy Usmoniy hafizahullohning
"Islom shariatida sunnatning o'rni" kitobidan
Tarjimon: Davron NURMUHAMMAD
Davomi bor...
Diniy ta’lim muassasalariga kirish imtihonlari boshlandi
Ayni kunlarda Namangandagi "Hidoya" o‘rta maxsus islom ta’lim muassasasida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026-2027 o‘quv yili uchun kirish imtihonlari boshlandi.
Shu munosabat bilan bugun O‘zbekiston musulmonlari idorasi raisi, muftiy Shayx Nuriddin Xoliqnazar hazratlari mazkur diniy ta’lim muassasasida bo‘lib, 2026-2027 o‘quv yili uchun kirish imtihonlari jarayonlari bilan yaqindan tanishdilar.
Muftiy hazratlari abituriyentlar va ularning yaqinlari uchun yaratilgan sharoitlarni ko‘zdan kechirib, sinovlarning ochiqlik, shaffoflik va xolislik tamoyillari asosida o‘tishini ta’minlash bo‘yicha amalga oshirilgan tashkiliy chora-tadbirlarga alohida e’tibor qaratdilar.
Xususan, imtihon zallari to‘liq videokuzatuv tizimlari bilan jihozlangan bo‘lib, ota-onalar kutish maydonchalarida jarayonni onlayn kuzatib bormoqdalar. Savollar xavfsizligi hamda xolis baholash tizimi qat’iy nazoratga olingan.
Muftiy hazratlari imtihon topshirayotgan yoshlarning ota-onalari bilan dildan suhbatlashib, ularning fikr-mulohazalarini tingladilar va abituriyentlar haqiga muvaffaqiyat tilab duo qildilar.
Respublika bo‘yicha imtihonlar hududlar kesimida tasdiqlangan reja-grafik asosida bo‘lib o‘tadi. Kirish test sinovlari o‘tkaziladigan aniq sanalar va imtihon manzillarining to‘liq ro‘yxati bilan ushbu havola orqali tanishishingiz mumkin: https://t.me/qabulmuslimuz.
Imtihon yangiliklarini @qabulmuslimuz telegram kanali orqali kuzatib borishingiz mumkin.
O‘zbekiston musulmonlari idorasi Matbuot xizmati
