Ibn Taymiyaning fikricha...
Ibn Taymiya quyidagi gapni qanday asos bilan aytgan ekan: "Agar, cheksiz azob mavjud deb faraz qilinsa, u holda (Allohning) rahmati yo'q ekan, degan xulosa chiqadi.", Ibn Taymiyaning fikricha, Allohning rahmati qachonki, adashgan kofirlarni ham qamrab olsagina mavjud bo'ladi ekan! Shuning o'zi Ibn Taymiya va unga ergashganlarning, bu xatarli masalada, to'g'ri yo'ldan yiroqlashib ketganiga eng katta dalillardan emasmi ?! Ey Allohim o'zing kechir! (Raf'u-l-astor li ibtoli adillati-l-qoiliyna bifano'in nor.
Bu iboralarni mulohaza qilib ko'rgan har bir aqlli inson hayratdan yoqa ushlamasdan iloji yo'q. Chunki, "Salafiy" oqimining barcha a'zolari Ibn Taymiyani "salafiychilik"ning asoschilaridan biri, deb tan oladi. Nosir Alboniyni esa bu yo'lning davomchilaridan, deb boshlariga ko'taradilar. Nosir Alboniy bu masalada ahli sunna val-jamo'aga muvofiq bo'lgan bo'lsa, Ibn Taymiya muxolif bo'lgan.
Tabiiy savol tug'iladi: do'zaxning boqiyo yo foniy ekanida ikki salafiy rahnamodan qay biri haq? Bilamizki bu masala usulidin masalalaridan bo'lib unda faqatgina bir xil qarashga yo'l bor, ikkinchi fikr egasi aniq zalolatda bo'ladi. bu erda Ibn Taymiya zalolatdami yoki Nosir Alboniy adashganmi?
Islom ummatini birdamlikka, asl salaflar yo'liga da'vat qilayotgan "salafiy"chilik targ'ibotchilari bu haqda nima der ekanlar?! Ularning o'zlari ulug' bobokalonlari Ibn Taymiyaning bu e'tiqodidan xabarlari bormi ekan?! Nahotki salaflar, deb ta'rif berilmish sahoba va tobe'inlar orasida shunaqangi ziddiyatlar mavjud bo'lgan bo'lsa?! Salafiylar qayoqqa ketmoqdasiz?! Ummatni qayoqqa etayelamoqdasiz
Tolibxon Sharipov
Anjuman diniy sohada zamoniy kadrlar tayyorlash yo‘lidagi muhim qadam bo‘ldi
Joriy yilning 19-20 avgust kunlari bo‘lib o‘tgan nufuzli anjuman diniy ta’lim tizimini sifat jihatidan yangi bosqichga olib chiqish, ilmiy-tadqiqot ishlari ko‘lamini kengaytirish va sohaga ilg‘or pedagogik yondashuvlarni tatbiq etish va zamon talabiga mos kadrlar tayyorlashda yo‘lidagi salmoqli amaliy qadam bo‘ldi.
Tadbirlar davomida sohaga oid ilmiy ma’ruzalar bilan bir qatorda Oliy Majlis Qonunchilik palatasi, Raqamli ta’lim va sun’iy intellektni rivojlantirish markazi hamda ilmiy-tadqiqot sohasining yetakchi mutaxassislari tomonidan ma’naviy-ma’rifiy taraqqiyot, diniy ta’limda raqamli transformatsiya, sun’iy intellekt va ilmmetriya masalalariga bag‘ishlangan mahorat darslari ham o‘tkazildi. Mashg‘ulotlar tizimda zamonaviy yondashuvlarni ommalashtirish, dars jarayonlarida yangicha uslublarni qo‘llash hamda soha vakillarining kasbiy mahoratini oshirishga xizmat qiladi.
Shuningdek, anjuman doirasida oliy va o‘rta maxsus diniy ta’lim muassasalari professor-o‘qituvchilarining muhtaram Prezidentimizga yo‘llagan Murojaatnomasi o‘qib eshittirildi.
Unda so‘nggi yillarda diniy-ma’rifiy sohani tubdan rivojlantirish, milliy va diniy qadriyatlarimizni tiklash hamda ulug‘ ajdodlarimizning boy ma’naviy merosini o‘rganish va diniy ta’limni rivojlantirish borasida olib borilayotgan tarixiy islohotlar alohida e’tirof etildi. Jumladan, Mir Arab oliy madrasasi, Hadis ilmi maktabi, Imom Termiziy islom instituti kabi diniy ta’lim maskanlari, Imom Buxoriy, Imom Termiziy, Imom Moturidiy va Bahouddin Naqshband kabi xalqaro ilmiy-tadqiqot markazlari tashkil etilishi yurtimizda ma’rifat ahli uchun keng imkoniyatlar ochgani ta’kidlandi.
O‘z navbatida, pedagoglar ushbu yuksak e’tibor va shart-sharoitlar uchun Davlatimiz Rahbariga minnatdorlik bildirib, bunga javoban yoshlarni Vatanga muhabbat va umuminsoniy qadriyatlarga hurmat ruhida tarbiyalash, Islom dinining asl insonparvarlik g‘oyalarini o‘zlashtirgan va sohada yetuk kadrlarni tayyorlashini ta’kidladilar.
Bo‘lib o‘tgan anjuman diniy ta’lim tizimini yangi bosqichga olib chiqish, innovatsion va raqamli texnologiyalarni o‘quv jarayoniga tatbiq etish hamda sohada yuqori malakali, zamon bilan hamnafas mutaxassislarni tayyorlashda muhim poydevor bo‘lib xizmat qiladi.
O‘zbekiston musulmonlari idorasi Matbuot xizmati
- «
- »