Bugun, 3 iyun' kuni “Haj – 2022” mavsumiga tayyorgarlik ko'rish yuzasidan brifing bo'lib o'tdi. Unda haj kvotasi ham ma'lum qilindi.

Brifingda, Saudiya Arabistoni tomoni bilan olib borilgan muzokaralardan so'ng joriy yil O'zbekiston fuqarolari uchun umumiy haj kvotasi 10 865 nafar etib belgilandi. Ma'lumot uchun, 2019 yilda bu ko'rsatkich 7 200 nafarni tashkil etgan edi.

Yana shuni alohida ta'kidlash kerakki, joriy haj mavsumi uchun haj kvotasining oshirilgani, shubhasiz, yurtimiz ziyoratchilari uchun juda katta xushxabar bo'ldi.

O'zbekiston musulmonlari idorasi Matbuot xizmati
Muslim.uz