Fitnalardan ogohlik davr talabi
Haliyam fitna qilishdan to'xtamadinglarmi? Allohga osiy bo'lishdan xali ham to'xtamadinglarmi?! Nahotki sizlar haliham to'ntaramiz, revolyutsiya qilamiz deb harakat qilib, o'zlaringcha to'planib yuripsizlar. Qachongacha o'zlaringni aldab yurasizlar. Odamlarni fikrini o'zlaringga jalb qilmoqchisizlar. Lekin barisi befoyda ekanini tushunib etmayapsizlar. Sizlar barilaringiz fitnachisizlar. Sizlar xuddi Usmon raziyallohu anhuni tushunmasdan u kishini shahid bo'lishiga sababchi bo'lgan to'rtta johil, aqidaparastsizlar. Yana Alloh taolo: «Va sizlardan faqat zulm qilganlarning o'zigagina etmaydigan fitnadan saqlaning. Va bilinki, albatta, Allohning iqobi shiddatlidir», degan.Ushbu oyati karimadagi «fitna» so'zi boshqa oyatlardagi kabi sinov va balo ma'nolarini anglatadi. Qaysi bir jamoada zolimlar zulm qilganda boshqalar qarab tursa, hamma–zulm qilganlar ham, qarab turganlar ham barobar baloga giriftor bo'ladilar.«Zulm» deganda bir shaxsning ikkinchi shaxsga tajovuz qilishigina anglanmaydi, balki bu so'zning ma'no qamrovi keng bo'lib, hamma nohaqliklar, gunohlar uning ichiga kiradi. Hususan, dinni tark etish, Allohning amriga yurmaslik, davlatda adolat o'rnataman deb turli krizislarni paydo bo'lishiga sabab bo'lish, normal holatda davom etayotgan turmushni buzib ag'dar-to'ntar qilish, odamlarning ilm olishiga xalaqit berib fikrini chalhitish katta zulm hisoblanadi. Qaysi bir jamiyatda ana shundoq zulmlar sodir etilsa, o'sha jamiyatning barcha a'zolari; zulm ishlarni qilganlariyu, ularga befarq qarab turganlari birgalikda fitnaga-ommaviy balo-ofatga giriftor bo'ladilar. Shuning uchun ham Alloh taolo O'ziga iymon keltirgan bandalarini bundan ogohlantirib, ushbu xitobni qilmoqda:
«Va sizlardan faqat zulm qilganlarning o'zigagina etmaydigan fitnadan saqlaning».Yana, ey zulm qilayotganlar:«...bilginki, albatta, Allohning iqobi shiddatlidir».Zaynab binti Jahsh raziyallohu anhodan rivoyat qilinadi: «Nabiy sollallohu alayhi va salam uyqudan yuzlari qizargan holda uyg'onib: «Laa ilaha illallohu. Batahqiq, yaqinlashgan yomonlikdan arablarning holiga voy bo'lsin! Bugun Ya'juj va Ma'jujning to'g'onidan manabuncha ochildi», dedilar.
Sufyon qo'lini bukib to'qson yoki yuzni ko'rsatdi. «Ichimizda solihlar turib halok bo'lamizmi?» deyildi. Ha! Qachon fisqi fujur ko'paysa», dedilar». To'rtovlari rivoyat qilgan.
Sharh: Kishilar ichida fisqi fasod keng tarqalsa Alloh taolo. ularni agar ichlarida ahli solih kishilar bo'lsa ham halokatga duchor qilar ekan. Sizlarga murojaat qilaman. Ko'pchilik bo'lib fisqi fasodga qarshi turish lozim. O'z vataniga xiyonat qilganlarga, qarshi ilm bilan, agar ilm bilan bo'lmasa fikr bilan qarshi turib kurashish kerak.
Manbalar asosida Jamalov Nurulloxon tayyorladi
O‘zbekistonda jahon xattotlar tanlovi 26 avgustda e’lon qilinadi
O‘zbekistonda noyob Qur’on yaratish bo‘yicha jahon xattotlar tanlovi 26 avgust kuni O‘zbekistondagi Islom sivilizatsiyasi markazida e’lon qilinadi. Tanlov «Islom sivilizatsiyasi: yangi nigoh — yangi kashfiyotlar» xalqaro mediaforumi doirasida o‘tkaziladi, xabar bermoqda UzDaily.uz.
«Dunyo Qur’oni: xattotlik an’analaridan — kelajak merosi sari» loyihasini xattot va Islom sivilizatsiyasi markazi huzuridagi Xattotlik maktabi direktori Habibullo Solih taqdim etadi. Bu haqda tadbir tashkilotchisi xabar berdi.
Tanlov doirasida turli mamlakatlar va xattotlik maktablarining islomiy xattotlikdagi eng yaxshi an’analarini birlashtirgan noyob Qur’on yaratish ko‘zda tutilgan.
Tanlovning tantanali e’loni «Asrlarni birlashtiruvchi meros. Islom sivilizatsiyasining ma’naviy mazmunlari» mavzusidagi yalpi sessiyaning yakuniy qismi bo‘ladi. Sessiya 26 avgust kuni soat 09:30 dan 12:00 gacha o‘tkaziladi.
Tadbir doirasida ommaviy axborot vositalarining stereotiplar va islomofobiyani yengishdagi roliga bag‘ishlangan xalqaro muhokama ham bo‘lib o‘tadi. Unda Islom hamkorlik tashkiloti, Jazoir, Ummon, Pokiston, Saudiya Arabistoni, Iroq, Mali va O‘zbekistonning davlat tuzilmalari hamda OAV vakillari ishtirok etadi.
Forum dasturidan Qur’oniy va qo‘lyozma merosga bag‘ishlangan loyihalar ham o‘rin olgan. Ular orasida «114 Qur’on: islom olamining 114 xattotlik durdonasi», «Katta Langar Qur’oni: haqiqat va rivoyatlar» xalqaro loyihasi hamda «Sun’iy intellekt — qadimiy qo‘lyozmalarni o‘qishning raqamli kaliti» loyihasi bor.
O‘zbekistonda xattotlikni rivojlantirishga institutsional darajada ham e’tibor qaratilmoqda. Islom sivilizatsiyasi markazi huzurida Prezident Shavkat Mirziyoyev tashabbusi bilan tashkil etilgan Xattotlik maktabi faoliyat yuritmoqda. Maktabda suls, nasx, nasta’liq, ruq’a, devoniy va kufiy kabi an’anaviy yozuv uslublarini o‘rgatish rejalashtirilgan.
Xattotlik san’ati Samarqand viloyatidagi yangi Imom al-Buxoriy majmuasida ham namoyon etilgan. Majmua peshtoqlari va ayvonlari devorlari «Sahih al-Buxoriy»dan olingan hadislar bitilgan yozuvlar bilan bezatilgan. Majmua huzurida Imom Buxoriy xalqaro ilmiy-tadqiqot markazi va Hadis ilmiy maktabi ham faoliyat yuritadi.
Xalqaro mediaforumning asosiy maydoni O‘zbekistondagi Islom sivilizatsiyasi markazi bo‘ladi.
Tadbirda qariyb 50 mamlakatdan media va ekspertlar hamjamiyatining 300 ga yaqin vakili ishtirok etadi. Ular orasida mediakompaniyalar, axborot agentliklari va telekanallar rahbarlari, jurnalistlar, prodyuserlar, olimlar hamda kreativ industriya mutaxassislari bor.
O‘zbekiston musulmonlari idorasi matbuot xizmati
