AQShning Florida shtati Orlondo shahridagi Al-Buxoriy Islom markazida O'zbekistonlik imom-xatiblar musofir vatandoshlarimiz bilan birga Ramazon hayiti namozini ado etishdi.

Hayit namozi asnosida ulamolarimiz manfaatli mav'iza va xayrli duolar qildilar.

Ma'lumot uchun, AQShdagi diplomatik vakolatxonamiz tashabbusi va O'zbekiston musulmonlari idorasi bilan hamkorlikda shu yilning 20 aprelidan 2 mayga qadar o'zbekistonlik bir guruh imom-xatiblarning Amerika Qo'shma Shtatlariga tashrifi tashkil etildi.

Ushbu tashrif doirasida imom-xatiblar yurtdoshlarimiz istiqomat qilayotgan va tahsil olayotgan Amerikaning 6 ta shahrida bo'ldilar. Hususan, 20 aprel' kuni Vashington shahriga, 21 aprelda - Filadelfiyaga, 22 aprelda - N'yu-York, 23 aprel' kuni – Sinsinnatiga, 24 aprelda - Chikagoga, 25 aprelda esa Orlandoga tashrif buyurishdi.

Mazkur vaqt davomida O'zbekiston musulmonlari idorasi vakillarining vatandoshlar, milliy diasporalar etakchilari bilan uchrashuvlari hamda mahalliy masjidlarda islom dinining qadriyatlari, radikalizmga qarshi kurashish, AQShda yashovchi o'zbek yoshlari o'rtasida ekstremistik g'oyalar tarqalishining oldini olish haqida ma'ruzalar bilan chiqishlar qilindi.

O'zbekiston musulmonlari idorasi Matbuot xizmati